ဖီနာဘာချီနည်းပြ မော်ရင်ဟို က စီရော်နယ်လ်ဒို ကို ခေါ်ယူမည်ဆိုတဲ့ သတင်းများကို ငြင်းဆန်ပယ်ချခဲ့ပြီး ဆော်ဒီမှာ လစာငွေများစွာ ရရှိနေတဲ့ စီရော်နယ်လ်ဒိုအနေနဲ့လည်း ဖီနာဘာချီအသင်းသို့ ပြောင်းရွှေ့လာစရာ အကြောင်းမရှိကြောင်း ပြောကြားခဲ့ပါတယ်။ အသက် ၃၉ နှစ်ကျော်ပြီဖြစ်တဲ့ နာမည်ကျော် ပေါ်တူဂီအသင်းခေါင်းဆောင် စီရော်နယ်လ်ဒို က ယခုရာသီကုန် မှာ ဆော်ဒီကလပ် အယ်လ်နာဆာအသင်းနှင့် စာချုပ်သက်တမ်းကုန်ဆုံးမှာ ဖြစ်တယ်လို့ သိရပါတယ်။ ဒါကြောင့် စီရော်နယ်လ်ဒို ရဲ့အနာဂတ်နှင့်ပတ်သက်ပြီး သတင်းများစွာထွက်ပေါ်လျက်ရှိနေတာဖြစ်ပါတယ်။ အဆိုပါသတင်းတွေနဲ့ ပတ်သက်ပြီး မော်ရင်ဟို က ရော်နယ်ဒိုအနေနဲ့ ဆော်ဒီလိဂ်မှာ လစာငွေမြင့်မားစွာ ရရှိနေတဲ့အတွက် ဖီနာဘာချီအသင်းကို လာရောက်မှာ မဟုတ်ဘူးလို့ တုံ့ပြန်ပြောကြားခဲ့တာ ဖြစ်ပါတယ်။(NVS 003)