မန်ယူအသင်းရဲ့ နိုဝင်ဘာလ အကောင်းဆုံးကစားသမားဆုကို အသင်းရဲ့ညာနောက်ခံကစားသမား မာဇရာဝီ က ရရှိခဲ့တယ်လို့ သိရပါတယ်။ အဆိုပါဆုကို မန်ယူအသင်းဟာ တစ်လတာအတွင်း အကောင်းဆုံးကစားသမား ၃ ဦးမှ တစ်ဦးကို ဆန္ဒမဲပေး ကောက်ယူကာ ရွေးချယ်ပေးခဲ့တာဖြစ်ပါတယ်။ အသက် ၂၇ နှစ်ရှိပြီဖြစ်တဲ့ မာဇရာဝီ ဟာ ပြီးခဲ့တဲ့နွေရာသီ ကစားသမားအပြောင်းအရွှေ့ကာလက ဘိုင်ယန်မြူးနစ်အသင်းကနေ ပြောင်းရွှေ့လာခဲ့တာဖြစ်ပြီး မန်ယူအသင်းမှာ ပုံစံကောင်းတွေကို ပြသနိုင်ခဲ့ပါတယ်။ အဆိုပါ မာဇရာဝီ က တစ်လတာအကောင်းဆုံးကစားသမား ဆန်ကာတင်စာရင်းမှာ အိုနာနာ၊ အာမက် ဒီယာလို တို့နဲ့အတူ ပါဝင်လာခဲ့တာဖြစ်ပါတယ်။(NVS 008)