အာဆင်နယ်အသင်းရဲ့ နည်းပြ အာတီတာ ဟာ မန်ယူအသင်းကို ၄ ပွဲဆက်အနိုင်ရရှိတဲ့ ပထမဆုံးနည်းပြအဖြစ် မှတ်တမ်းဝင်ခဲ့ပါတယ်။ ပြီးခဲ့တဲ့ ကြားရက်ပွဲစဉ်အဖြစ် ယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ အိမ်ရှင်အာဆင်နယ်အသင်းက မန်ယူအသင်းကို အိမ်ကွင်းအီးမရိတ်မှာ ၂ ဂိုးပြတ်နဲ့အနိုင်ရရှိခဲ့တာ ဖြစ်ပါတယ်။ နည်းပြ အာတီတာ က အာဆင်နယ်အသင်းကို ၂၀၁၉ ခုနှစ်၊ ဒီဇင်ဘာလမှာ စတင်ကိုင်တွယ်ခဲ့ပြီး ပြိုင်ပွဲစုံ ၂၅၃ ပွဲမှာ နိုင်ပွဲ ၁၅၀၊ ရှုံးပွဲ ၆၀ နဲ့ ၄၃ ပွဲသရေဆိုတဲ့ ရလဒ်ကို ပိုင်ဆိုင်ထားပါတယ်။ အာဆင်နယ်အသင်းက ယခုနှစ် ဘောလုံးရာသီ ပရီးမီးယားလိဂ်ပွဲစဉ် ၁၄ ပွဲကစားအပြီးမှာ ရမှတ် ၂၈ မှတ်နဲ့ အဆင့် ၃ နေရာမှာ ရပ်တည်နေပါတယ်။(NVS 008)