အာဆီယံဘောလုံးအဖွဲ့ချုပ်က ကျင်းပမယ့် AFF Mitsubishi Electric Cup 2024 ပြိုင်ပွဲမှာ ဗီဒီယိုအကူစနစ် (VAR) ကို စတင်ကျင့်သုံးသွားမှာဖြစ်တာကြောင့် အဆိုပါပြိုင်ပွဲများကျင်းပရာတွင်ပါဝင်တဲ့ မြန်မာအသင်းရဲ့ အိမ်ကွင်း မှာ VR စနစ်ကို ပထမဆုံးစတင်အသုံးပြုသွားမှာ ဖြစ်ပါတယ်။ အာဆီယံဘောလုံးအဖွဲ့ချုပ်ရဲ့ သတ်မှတ်ချက်များအရ အိမ်ကွင်းအဝေးကွင်းစနစ်နဲ့ ကျင်းပမှာ ဖြစ်တဲ့အတွက် ပြိုင်ဝင်အသင်းများအနေနဲ့ အုပ်စုပွဲ ၄ ပွဲမှာ ၂ ပွဲကို အိမ်ရှင်အဖြစ် ကျင်းပသွားမှာ ဖြစ်ပါတယ်။ အာဆီယံ ဘောလုံးအဖွဲ့ချုပ်က VAR စနစ်အတွက် အုပ်စုပွဲစဉ်များအတွက် ကင်မရာ ၁၀ လုံးနှင့် ဆီးမီးဖိုင်နယ်အဆင့် ပွဲစဉ်များမှစတင်ပါက ကင်မရာ ၁၂ လုံး အသုံးပြုသွားမှာ ဖြစ်တယ်လို့ သိရပါတယ်။ AFF Mitsubishi Electric Cup 2024 ပြိုင်ပွဲမှာ မြန်မာလက်ရွေးစင်အသင်းအနေနဲ့ အိမ်ကွင်း သုဝဏ္ဏအားကစားကွင်းမှာ ဒီဇင်ဘာလ ၉ ရက်မှာ စတင် လက်ခံကစားသွားမှာ ဖြစ်ပါတယ်။ (NVS 008)