ရွှေတိဂုံစေတီတော်ကြီး၏ လုံးတော်ပြည့်ရွှေသင်္ကန်းကပ်လှူခြင်းလုပ်ငန်းကို တစ်ပတ်တာ ရပ်နားထားမည် ဖြစ်ကြောင်း ရွှေတိဂုံစေတီတော် ဂေါပကအဖွဲ့မှ လူမှုကွန်ရက်မှတစ်ဆင့် ပြောကြားခဲ့ပါတယ်။ ရွှေတိဂုံစေတီတော်၌ ‌(၁၀၆) ကြိမ်မြောက် စေတိယင်္ဂဏ ပရိယတ္တိ စာလျှောက်မေးပွဲကို နိုဝင်ဘာလ ၃၀ ရက်မှ ဒီဇင်ဘာလ ၆ ရက်အထိ ကျင်းပရန် ရှိနေသောကြောင့် ရပ်နားထားခြင်း ဖြစ်ပါတယ်။ လုံးတော်ပြည့်ရွှေသင်္ကန်းကပ်လှူခြင်းလုပ်ငန်းကို ဒီဇင်ဘာလ ၇ ရက်တွင် ပြန်လည်‌ဆောင်ရွက်မည်ဖြစ်ကာ ရွှေသင်္ကန်း ကပ်လှူနိုင်ရန်အတွက် ရွှေစင်ရွှေပြား ၁၀ လက်မ ပတ်လည် ရွှေ ၁ ကျပ်သား တစ်ချပ်လျှင် ကျပ် ၂၅ သိန်း၊ ရွှေစင် ရွှေပြား ၁ ပေပတ်လည် ရွှေ ၆ ကျပ်သား တစ်ချပ်လျှင် ကျပ်သိန်း ၁၅၀ နဲ့ ကုသိုလ်ယူ ပါဝင်လှူဒါန်းနိုင်တယ်လို့ သိရပါတယ်။ (NVS 004)