နိုဝင်ဘာလ ၂၈ ရက်က ကစားခဲ့တဲ့ ချန်ပီယံလိဂ်အစောပိုင်းပွဲစဉ်တစ်ပွဲဖြစ်တဲ့ လီဗာပူးလ်အသင်းနဲ့ ရီးရဲလ်အသင်းတို့ပွဲစဉ်မှာ အိမ်ရှင်လီဗာပူးလ်အသင်းက ၂ ဂိုးပြတ်အနိုင်ရရှိခဲ့တာ ဖြစ်ပါတယ်။ လီဗာပူးလ်အသင်းအတွက် အနိုင်ဂိုးတွေကို အယ်လစ္စတာ နှင့် ဂတ်ပို တို့ ကသွင်းယူခဲ့တာ ဖြစ်ပါတယ်။ အဆိုပါပွဲစဉ်မှာ ရီးရဲလ်အသင်းက အမ်ဘာပေ နှင့် လီဗာပူးလ်အသင်းမှ ဆာလာတို့ဟာ ပင်နယ်တီလွဲချော်ခဲ့ကြသေး တာ ဖြစ်ပါတယ်။ အခုနိုင်ပွဲကြောင့် လီဗာပူးလ်အသင်းက ချန်ပီယံလိဂ်အမှတ်ပေးဇယား ထိပ်ဆုံးမှာ ရှုံးပွဲမရှိ ရမှတ် ၁၅ မှတ်နဲ့ ရပ်တည်နိုင်ခဲ့ပါတယ်။ ဒါ့အပြင် လီဗာပူးလ်အသင်းဟာ ၂၀၀၉ ခုနှစ်နောက်ပိုင်း ပထမဆုံးအကြိမ်အဖြစ် ရီးရဲလ်အသင်းကို ပြန်လည်အနိုင်ရရှိခဲ့တာလည်း ဖြစ်ပါတယ်။ (NVS 008)