မြန်မာနိုင်ငံ ကြက်တောင်အဖွဲ့ချုပ်က ကြီးမှူးကျင်းပမည့် Me&Gems Badminton Junior Championships 2024 တောင်ရိုက်ပြိုင်ပွဲကို လာမယ့် ဒီဇင်ဘာလ ၂၂ ရက်မှ ၂၅ ရက်အထိ နေ့စဉ် နံနက် ၉ နာရီမှစတင်ပြီး ရန်ကုန်မြို့ လမ်းမတော်မြို့နယ်ရှိ အမျိုးသားကြက်တောင်အားကစားခန်းမမှာ ကျင်းပသွားမယ်လို့သိရပါတယ်။ အဆိုပါ ကြက်တောင်ရိုက်ပြိုင်ပွဲတွင် အသက်ကိုးနှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီး တစ်ဦးချင်းပြိုင်ပွဲ၊ အမျိုးသားနှစ်ယောက်တွဲပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲ၊ အသက် ၁၁ နှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီးတစ်ဦးချင်းပြိုင်ပွဲ၊ အမျိုးသားနှစ်ယောက်တွဲပြိုင်ပွဲ၊ အမျိုးသမီး နှစ်ယောက်တွဲ ပြိုင်ပွဲ၊ အသက် ၁၃ နှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီးတစ်ဦးချင်းပြိုင်ပွဲ၊ အမျိုးသားနှစ်ယောက် တွဲပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲ၊ အသက် ၁၅ နှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီးတစ်ဦး ချင်းပြိုင်ပွဲ၊ အမျိုးသားနှစ်ယောက်တွဲပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲ၊ အမျိုးသား+အမျိုးသမီးနှစ်ယောက်တွဲ ပြိုင်ပွဲ၊ အသက် ၁၇ နှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီးတစ်ဦးချင်းပြိုင်ပွဲ၊ အမျိုးသား နှစ်ယောက်တွဲ ပြိုင်ပွဲ၊ အမျိုးသမီးနှစ်ယောက်တွဲပြိုင်ပွဲ၊ အမျိုးသား+အမျိုးသမီးနှစ်ယောက်တွဲပြိုင်ပွဲ၊ အသက် ၁၉ နှစ်အောက် အမျိုးသားတစ်ဦးချင်းပြိုင်ပွဲ၊ အမျိုးသမီးတစ်ဦးချင်းပြိုင်ပွဲ၊ အမျိုးသားနှစ်ယောက်တွဲ၊ အမျိုးသမီး နှစ်ယောက်တွဲပြိုင်ပွဲ များနှင့် အမျိုးသား+အမျိုးသမီး နှစ်ယောက်တွဲ ပြိုင်ပွဲများ စသည်တို့ကို ထည့်သွင်းကျင်းပသွားမှာဖြစ်ပါတယ်။ အဆိုပါပြိုင်ပွဲတွင် ပြိုင်ပွဲအမျိုးအစားအလိုက် စုစုပေါင်းဆုကြေးငွေအဖြစ် ငွေကျပ် ၉,၆၇၀,၀၀၀ အသုံးပြုသွား မှာဖြစ်ပြီး ဝင်ရောက်ယှဉ်ပြိုင်လိုသူများအနေနဲ့ နိုင်ငံသားစိစစ်ရေးကတ် သို့မဟုတ် မွေးစာရင်းမူရင်း တင်ပြရမှာဖြစ်ပြီး မြန်မာနိုင်ငံကြက်တောင်အဖွဲ့ချုပ်ရုံး ဖုန်း ၀၉-၈၉၉၆၆၇၅၅ဝ ထံသို့ ရုံးချိန်အတွင်း ဖုန်းဖြင့်ဆက်သွယ် ၍သော် လည်းကောင်း မြန်မာနိုင်ငံ ကြက်တောင်အဖွဲ့ချုပ်ရုံးတွင် ရုံးချိန်အတွင်း၌ ပြိုင်ပွဲဝင်ကြေးနှင့်အတူ ဒီဇင်ဘာလ ၁၇ ရက် နောက်ဆုံးထားပြီး စာရင်းပေးသွင်းရနိုင်ကြောင်း သိရပါတယ်။ (NVS 004)