အမေရိကန်နိုင်ငံ၊ ဂျော်ဂျီယာပြည်နယ်၊ စိန့်ဆိုင်မွန်ကျွန်းမှာ ကျင်းပခဲ့တဲ့ RSM Classic ဂေါက်သီးရိုက်ပြိုင်ပွဲမှာ အမေရိကန်ဂေါက်သီးရိုက်ကစားသမား မယ်နယ်လေ က ရိုက်ချက်စုစုပေါင်း ၁၆ ချက်လျှော့ရိုက်ကာ ချန်ပီယံဆုကို ရယူနိုင်ခဲ့ပါတယ်။ အမေရိကန်ဂေါက်သီးရိုက်ကစားသမား မယ်နယ်လေ က တစ်နိုင်ငံသားချင်း ကစားသမားတွေဖြစ်တဲ့ ဘက်ကာ နှင့် ကလေတန် တို့ထက် ရိုက်ချက်တစ်ချက် လျှော့ရိုက်ပြီး ချန်ပီယံဆုကိုရရှိခဲ့တာ ဖြစ်ပါတယ်။ ဘက်ကာ နှင့် ကလေတန် တို့ဟာ ရိုက်ချက်စုစုပေါင်း ၁၅ ချက်အထိ လျှော့ရိုက်နိုင်ခဲ့တာကြောင့် ဒုတိယနေရာမှာ ပူးတွဲရပ်တည်နိုင်ခဲ့ပြီး ကိုလံဘီယာ ဂေါက်သီးရိုက်ကစားသမား နီကိုလက်စ်၊ အမေရိကန်ဂေါက်သီးရိုက်ကစားသမား ဟော့ဂျက်စ်နှင့် ကနေဒါ ဂေါက်သီးရိုက် ကစားသမား မက်ဟုချ် တို့က ရိုက်ချက်စုစုပေါင်း ၁၄ ချက်အထိ လျှော့ရိုက်နိုင်ခဲ့တာကြောင့် တတိယနေရာမှာ အသီးသီးရပ်တည်ခဲ့ကြပါတယ်။ မက်နယ်လေ ဟာ RSM Classic ဂေါက်သီးရိုက်ပြိုင်ပွဲမှာ ချန်ပီယံဆုကိုရရှိခဲ့တာကြောင့် ဆုကြေးငွေ အမေရိကန် ဒေါ်လာ ၁ ဒသမ ၃၆ သန်းထိ ရရှိခဲ့တယ်လို့သိရပါတယ်။ အခုချန်ပီယံဆုဟာ မက်နယ်လေ အတွက် ယခုနှစ်အတွင်း ပထမဆုံးရယူနိုင်ခဲ့တဲ့ PGA Tour ဆုဖလားဖြစ်ပါတယ်။ (NVS 008)