လက်စတာအသင်းက ပရီးမီးယားလိဂ် အမှတ်ပေးပွဲစဉ် (၁၂) မှာ ချဲလ်ဆီးအသင်းကို နှစ်ဂိုး၊ တစ်ဂိုးနဲ့ ရှုံးနိမ့်ခဲ့ ပြီးနောက် နည်းပြ စတိဗ်ကူးပါးကို ရာထူးကနေ ထုတ်ပယ်ကြောင်း အတည်ပြုကြေညာခဲ့ပါတယ်။ လက်စတာအသင်းက နည်းပြ စတိဗ်ကူးပါး ကို ၂၀၂၃ ခုနှစ်မှာ ချန်ပီယံအဖြစ်နဲ့ တန်းတက်နိုင်အောင် လုပ်ဆောင်ပေးခဲ့တဲ့ နည်းပြဟောင်း မာရက်စ်ကာ ရဲ့နေရာမှာ အစားထိုးခန့်အပ်ခဲ့တာ ဖြစ်ပါတယ်။ နည်းပြ စတိဗ်ကူးပါး လက်ထက်မှာတော့ လက်စတာအသင်းက ပရီးမီးယားလိဂ်မှာ ၁၂ ပွဲကစား ရမှတ် ၁၀ မှတ်သာရရှိထားပြီး တန်းဆင်းဇုန် ထဲမှာ ရောက်ရှိနေတာကြောင့် လက်စတာအသင်းက နည်းပြ စတိဗ်ကူးပါး ကို ထုတ်ပယ်ခဲ့တာ ဖြစ်ပါတယ်။ လက်စတာအသင်းက ပြီးခဲ့တဲ့ ၂၀၂၃ ဘောလုံးရာသီမှာ ချန်ပီယံရှစ်ပြိုင်ပွဲမှာ ချန်ပီယံဖြစ်ခဲ့ပြီး ပရီးမီးယားလိဂ်ကို တန်းတက်ခွင့်ရရှိခဲ့တာ ဖြစ်ပါတယ်။ (NVS 008)