ပီအက်စ်ဂျီအသင်းက အသင်းရဲ့အဓိကနောက်ခံကစားသမား နူနိုမန်ဒက် ကို ၂၀၂၉ ခုနှစ်ထိ ကာလရှည်သက်တမ်းတိုးစာချုပ်ချုပ်ဆိုရန် သဘောတူညီမှုရရှိခဲ့ကြောင်း သိရပါတယ်။ အသက် ၂၂ နှစ်အရွယ် နူနိုမန်ဒက် ဟာ ၂၀၂၁ ခုနှစ်မှာ စပို့တင်းလစ္စဘွန်းအသင်းမှ တစ်ရာသီအငှားစာချုပ်ဖြင့် ပြောင်းရွှေ့ကစားခဲ့ပြီးနောက် ၂၀၂၂ ခုနှစ်တွင် အပြီးသတ်စာချုပ်ဖြင့် ပြောင်းရွှေ့လာခဲ့သူဖြစ်ပါတယ်။ အသင်းနဲ့အတူ ခြေစွမ်းကောင်းတွေပြသနိုင်ခဲ့လို့ မန်ယူအသင်းနည်းပြသစ် အမိုရင် က စောင့်ကြည့်လျက်ရှိနေလို့ လက်မလွှတ်လိုတဲ့ အတွက် လက်ဦးမှုရယူကာ စာချုပ်သက်တမ်း တိုးမြှင့်ချုပ်ဆိုရန် သဘောတူညီမှု ရယူခဲ့ခြင်းဖြစ်ပါတယ်။ ပီအက်စ်ဂျီအသင်းအနေနဲ့ ပြီးခဲ့တဲ့ရက်ပိုင်းမှာ ထိပ်တန်းအသင်းများက စောင့်ကြည့်နေတဲ့ အဓိကခံစစ်သမား ဟာကီမီ ကိုလည်း ၂၀၂၉ ခုနှစ်ထိ ကာလရှည်သက်တမ်းတိုးစာချုပ် ချုပ်ဆိုရန် သဘောတူညီမှုရရှိခဲ့ပါတယ်။(NVS 008)