ဘက်ဆစ်တက်အသင်းက အာဆင်နယ်အသင်းမှ အီတလီကွင်းလယ်ကစားသမား ဂျော်ဂျင်ဟို ကို လာမည့်နွေရာသီတွင် ပြောင်းရွှေ့ကြေးအလွတ်ဖြင့်ခေါ်ယူရန် ချိန်ရွယ်နေကြောင်း သိရပါတယ်။ ဂျော်ဂျင်ဟို ဟာ အာဆင်နယ်နည်းပြ အာတီတာ နဲ့ ကောင်းမွန်သောဆက်ဆံရေး ရှိနေသော်လည်း အရန်ကစားသမားအဖြစ်သာ ရပ်တည်နေရတဲ့အတွက် လာမည့် ဇန်နဝါရီအပြောင်းအရွှေ့တွင် ရောင်းထုတ်ခံရဖွယ် ရှိကြောင်း သတင်းများထွက်ပေါ်နေတာဖြစ်ပါတယ်။ ဘက်ဆစ်တက်အသင်းက ဂျော်ဂျင်ဟို ကို ဇန်နဝါရီလအတွင်း အငှားဖြင့်ခေါ်ယူကာ နွေရာသီတွင် အပြီးသတ်ခေါ်ယူနိုင်ရန် ရည်ရွယ်နေတာ ဖြစ်ပါတယ်။ အသက် ၃၂ နှစ်အရွယ်ရှိ ဂျော်ဂျင်ဟို အနေနဲ့ ယခုရာသီမှာ အာဆင်နယ်အသင်းတွင် ပွဲကစားခွင့်ရရန်ရုန်းကန်နေရပြီး ယခုရာသီပြိုင်ပွဲစုံ ၇ ပွဲသာ ပါဝင်ကစားခွင့်ရထားပါတယ်။ ဂျော်ဂျင်ဟို ကိုခေါ်ယူရန် ဘက်ဆစ်တက်အသင်းအပြင် အီတလီစီးရီးအေကလပ်အသင်းတွေကလည်း စိတ်ဝင်စားနေကြောင်း သိရပါတယ်။ (NVS 008)