ဘိုင်ယန်မြူးနစ်အသင်းနဲ့ အော့စ်ဘတ်အသင်း တို့ယှဉ်ပြိုင်ခဲ့တဲ့ ဘွန်ဒက်စ်လီဂါပွဲစဉ်ပွဲမှာ ဘိုင်ယန်အသင်း တိုက်စစ်မှူး ဟယ်ရီကိန်း ဟာ ဟက်ထရစ်ရရှိခဲ့ပြီး ဘွန်ဒက်စ်လီဂါသွင်းဂိုး ၅၀ ကို အမြန်ဆုံးပြည့်မြောက်ခဲ့တဲ့ ကစားသမားအဖြစ် မှတ်တမ်းတစ်ရပ်ကို ရရှိခဲ့ပါတယ်။ ဟယ်ရီကိန်း အနေနဲ့ ပွဲချိန်ဒုတိယပိုင်းမှာ ပင်နယ်တီမှ သွင်းဂိုး ၂ ဂိုးအပါအဝင် ဘိုင်ယန်အသင်းအတွက် အနိုင်ဂိုး ၃ ဂိုးလုံးကို သွင်းယူနိုင်ခဲ့တာဖြစ်ပါတယ်။ ဟယ်ရီကိန်း ဟာ ဘွန်ဒက်စ်လီဂါ ၄၃ ပွဲမှာပင် သွင်းဂိုး ၅၀ ပြည့်မြောက်ခဲ့တာဖြစ်ပြီး ဟာလန်း ရဲ့ စံချိန်ကို ချိုးဖျက်နိုင်ခဲ့တာြဖစ်ပါတယ်။ ဟာလန်း အနေနဲ့ ဘွန်ဒက်စ်လီဂါပွဲ ၅၀ မှာ သွင်းဂိုး ၅၀ ပြည့်ခဲ့တာဖြစ်လို့ ဟယ်ရီကိန်း က ဟာလန်း ထက် ၇ ပွဲလျော့ပြီး ဂိုး ၅၀ အမြန်ဆုံးပြည့်မြောက်ခဲ့တာဖြစ်ပါတယ်။ (NVS 008)