အမျိုးသမီးချန်ပီယံလိဂ်ပြိုင်ပွဲ အုပ်စုပွဲစဉ်အဖြစ် ကစားခဲ့သည့် အာဆင်နယ်အသင်းနဲ့ ဂျူဗင်တပ်အသင်းတို့ ပွဲစဉ်မှာ အာဆင်နယ်အသင်းက တစ်ဂိုး၊ ဂိုးမရှိနဲ့ အနိုင်ရပြီး ကွာတားဖိုင်နယ်အဆင့်သို့ တက်ရောက်နိုင်ခဲ့ပါတယ်။ အာဆင်နယ်အမျိုးသမီးအသင်က ချန်ပီယံလိဂ်အုပ်စု(C)တွင် ဘိုင်ယန်မြူးနစ်၊ ဂျူဗင်တပ်၊ ဗယ်လာရန်ဂါ အသင်းတို့နဲ့ တစ်အုပ်စုတည်းကျရောက်ခဲ့ပြီး အုပ်စုပွဲစဉ်ပြီးဆုံးရန် နှစ်ပွဲအလိုတွင် ရမှတ်ကိုးမှတ်ဖြင့် ကွာတားဖိုင်နယ် အဆင့်သို့ တက်ရောက်ခဲ့ကြောင်း သိရပါတယ်။ အမျိုးသမီးချန်ပီယံလိဂ်ပြိုင်ပွဲ အုပ်စုလေးပွဲကစားအပြီးမှာ ပရီးမီးယားလိဂ်အသင်းများဖြစ်တဲ့ မန်စီးတီးနဲ့ ချဲလ်ဆီးအသင်းတို့ကလည်း လက်ကျန်ပွဲစဉ်များ ကျန်ရှိနေသော်လည်း တတိယနေရာမှအသင်းများကို ရမှတ်များဖြတ် တောက်နိုင်ခဲ့တာကြောင့် အာဆင်နယ်အသင်းနဲ့အတူ ကွာတားဖိုင်နယ်အဆင့်သို့ တက်ရောက်နိုင်ခဲ့ကြောင်း သိရပါတယ်။(NVS 008)