စပိန်လာလီဂါထိပ်သီးကလပ် ရီးရဲလ်မက်ဒရစ်အသင်းက ဘရာဇီးစီးရီးအေကလပ် ပါးလ်မီးရပ်စ်အသင်း နောက်ခံကစားသမား ဗစ်တာရီးစ် အား ခေါ်ယူရန် စီစဉ်လျက်ရှိပါတယ်။ အသက် ၁၈ နှစ်အရွယ်ရှိ နောက်ခံကစားသမား ဗစ်တာရီးစ် အနေနဲ့ အနာဂတ်တွင် ထွန်းတောက်လာမည့် ကစားသမားတစ်ဦးအဖြစ် သတ်မှတ်ခြင်းခံထားရသည့်အပြင် ပါးလ်မီးရပ်စ်အသင်းနဲ့ ယခုနှစ်ဘောလုံးရာသီမှာ ပြိုင်ပွဲစုံ ၉ ပွဲကစားပြီး ၁ ဂိုးသွင်းယူကာ ခြေစွမ်းပြနိုင်ခဲ့ခြင်းကြောင့် ရီးရဲလ်အသင်းက ခေါ်ယူရန်စီစဉ်လာခြင်း ဖြစ်ပါတယ်။ ပါးလ်မီးရပ်စ်အသင်းကလည်း ဗစ်တာရီးစ် အတွက် မြင့်မားသည့်ပြောင်းရွှေ့ကြေးတစ်ရပ် ရရှိပါက မည်သည့် အသင်းကိုမဆို ရောင်းချသွားမှာဖြစ်တာကြောင့် ရီးရဲလ်မက်ဒရစ်အသင်းက လာမည့်ဆောင်းရာသီဈေးကွက် အတွင်းမှာ ၎င်းကစားသမားကို ခေါ်ယူနိုင်မလားဆိုတာ စောင့်ကြည့်ရမှာဖြစ်ပါတယ်။(NVS 008)