စပိန်နိုင်ငံမှာ ကျင်းပပြုလျက်ရှိတဲ့ Billie Jean King Cup တင်းနစ်ပြိုင်ပွဲရဲ့ ဆီးမီးဖိုင်နယ်ပွဲစဉ်မှာ ဂရိတ်ဗြိတိန်အသင်းက ဆလိုဗက်ကီးယားအသင်းကို ရှုံးနိမ့်ခဲ့ရပါတယ်။ ဆီးမီးဖိုင်နယ်ပွဲစဉ်ရဲ့ ပွဲစဉ် ၁ တစ်ဦးချင်းပွဲစဉ်မှာ ဂရိတ်ဗြိတိန်အသင်းမှ ရာဒူကာနူ နှင့် ဆလိုဗက်ကီးယား အသင်းမှ ဗစ်တိုရီးယား တို့ ယှဉ်ပြိုင်ကစားခဲ့ရာ ရာဒူကာနူ က ၆-၄ ၊ ၆ - ၄ ဆိုတဲ့ရလဒ်နဲ့ အနိုင်ရရှိခဲ့တာကြောင့် ဂရိတ်ဗြိတိန်အသင်းက ပြိုင်ပွဲကို ဦးဆောင်ခွင့်ရရှိခဲ့ပါတယ်။ ပွဲစဉ် ၂ တစ်ဦးချင်းပြိုင်ပွဲမှာ ဂရိတ်ဗြိတိန်အသင်းမှ ကေတီဘိုလ်တာ နှင့် ဆလိုဗက်ကီးယားအသင်းမှ စရမ်ကိုဗာ တို့ယှဉ်ပြိုင်ကစားခဲ့ကြပြီး စရမ်ကိုဗာ ဟာ ဆလိုဗက်ကီးယားအတွက် နိုင်ပွဲတစ်ပွဲ ပြန်လည်ရယူ ပေးခဲ့ပါတယ်။ ဖိအားရှိနေတဲ့ စရမ်ကိုဗာ နှင့် ကေတီဘိုလ်တာ တို့ပွဲစဉ်ဟာ အကြိတ်အနယ်ရှိခဲ့ပြီး စရမ်ကိုဗာ က ကေတီဘိုလ်တာ ကို ၂ -၆ ၊ ၆-၄၊ ၆-၄ ဆိုတဲ့ ရလဒ်နဲ့ အနိုင်ရရှိခဲ့တာ ဖြစ်ပါတယ်။ ဒါကြောင့် ဂရိတ်ဗြိတိန်အသင်းနှင့် ဆလိုဗက်ကီးယားအသင်းတို့ အဆုံးအဖြတ်ပွဲစဉ်အဖြစ် နှစ်ယောက်ပွဲစဉ်ဆက်လက်ယှဉ်ပြိုင်ခဲ့ကြရပါတယ်။ နှစ်ယောက်တွဲပွဲစဉ်မှာတော့ ဂရိတ်ဗြိတိန်အသင်းမှ ဟိသာဝတ်တင်၊ အိုလီဗီယာ တို့အတွဲနှင့် ဆလိုဗက်ကီယားအသင်းမှ ရန်ကာကိုဗာ၊ တီရီဇာ အတွဲတို့ ယှဉ်ပြိုင်ခဲ့ကြပြီး ၂-၆ ၂-၆ ဆိုတဲ့ရလဒ်နဲ့ ဂရိတ်ဗြိတိန် အသင်းက ဆလိုဗီးကီးယားအသင်းကို ရှုံးနိမ့်ခဲ့ရပါတယ်။ ဒါကြောင့် Billie Jean King Cup တင်းနစ်ပြိုင်ပွဲရဲ့ ဆီးမီးဖိုင်နယ်ပွဲစဉ်မှာ ဆလိုဗက်ကီးယားအသင်းက ဂရိတ်ဗြိတိန်အသင်းကို အနိုင်ရရှိခဲ့တယ်လို့ သိရပါတယ်။ (NVS 008)