“အိုဆင်မန် အားခေါ်ယူရန် အာဆင်နယ်အသင်းကို ဂါးလက်စ် တိုက်တွန်း”
19 Nov
အာဆင်နယ်နောက်ခံကစားသမားဟောင်း ဂါးလက်စ် က လာမည့်ဇန်နဝါရီအပြောင်းအရွှေ့ကာလတွင် အသင်းဟောင်း အာဆင်နယ်အသင်းအနေနဲ့ ဂါလာတာစာရေး တိုက်စစ်မှူး အိုဆင်မန် ကို ခေါ်ယူသင့်ကြောင်း တိုက်တွန်းပြောကြားခဲ့ပါတယ်။ အာဆင်နယ်အသင်းဟာ ပရီးမီးယားလိဂ်ပွဲစဉ် ၁၁ အပြီးမှာ ရမှတ် ၁၉ မှတ်နဲ့ အဆင့် (၄) နေရာတွင် ရပ်တည် နေပြီး အမှတ်ပေးဇယားထိပ်ဆုံးမှ လီဗာပူးလ်အသင်းနဲ့ ကိုးမှတ်အထိ ကွာဟနေပါတယ်။ အာဆင်နယ်အသင်းရဲ့ အဓိကပြဿနာမှာ တိုက်စစ်ပိုင်းဖြစ်ပြီး နောက်ဆုံးသုံးပွဲတွင် တစ်ဂိုးသာသွင်းယူ နိုင်ခဲ့တာဖြစ်ပါတယ်။ ယခုရာသီ ပရီးမီးယားလိဂ်တွင် အာဆင်နယ်အသင်းအတွက် သွင်းဂိုးအများဆုံးအဖြစ် ဟာဗက်ဇ် က ၄ ဂိုး သွင်းထား ပြီး ဆာကာ နဲ့ မာတင်နယ်လီ တို့က သုံးဂိုးစီဖြင့် သွင်းယူထားနိုင်တာဖြစ်ပါတယ်။ အဆိုပါအခြေအနေကို ဖြေရှင်း နိုင်ရန်အတွက် ဂါးလက်စ် က ဂါလာတာစာရေးအသင်းတွင် အငှားသွားကစားနေတဲ့ နာပိုလီအသင်း တိုက်စစ်မှူး အိုဆင်မန် အား ခေါ်ယူရန် တိုက်တွန်းခဲ့ခြင်းဖြစ်ပါတယ်။ (NVS 008)
