ထိုင်းနိုင်ငံ၏လူကြိုက်အများဆုံး အကောင်းဆုံးဖက်ရှင်၊ အစားအသောက်၊ အိမ်သုံးပစ္စည်း၊ ကျန်းမာရေးနှင့် အလှ အပ စတဲ့ ကဏ္ဍမျိုးစုံပါဝင်ပြသမယ့် ဈေးရောင်းပွဲတော်ကုန်စည်ပြပွဲကို ၂၀၂၄ ခုနှစ်၊ ဒီဇင်ဘာလ ၆ ရက်မှ ၈ ရက်အထိ ရန်ကုန်မြို့ Yangon Convention Center ၌ ကျင်းပပြုလုပ်သွားမည်ဖြစ်ကြောင်း သိရပါတယ်။ အဆိုပါ ပြပွဲတွင် ထိုင်းနိုင်ငံ၏အရည်အသွေးပြည့်မီတဲ့ ကုန်ပစ္စည်းများ၊ အဝတ်အထည်နှင့် နေ့စဉ်သုံး အသုံး အဆောင်နှင့် ပစ္စည်းများ၊ ထိုင်းနိုင်ငံ၏ ထိပ်တန်းစတိုင်လ်လစ်များ ကိုယ်တိုင်ဖန်တီးထားသည့် Accessories များ၊ အရသာရှိသောအသင့်စားသောက်ကုန်များ၊ မြန်မာလူမျိုးများ နှစ်ခြိုက်အားပေးနေသည့် မိတ်ကပ်နှင့် Skincare ပစ္စည်း များ၊ အိမ်သုံးနှင့်မီးဖိုချောင်သုံးပစ္စည်းများ၊ ခေတ်မီလှပသော နောက်ဆုံးပေါ်ပစ္စည်းထုပ်ပိုးမှု ဝန်ဆောင်မှုများနှင့် ကုန်ပစ္စည်းများ ပါဝင်ပြသသွားမှာဖြစ်ပါတယ်။ ဒါ့အပြင် ထိုင်းနိုင်ငံအတွင်းသာမက နိုင်ငံတကာတွင် ပညာသင်ယူနိုင်မည့် အခွင့်အလမ်းများနှင့် Partnership အခွင့်အလမ်းများ၊ ထိုင်းနိုင်ငံအတွင်းရှိ နောက်ဆုံးပေါ် ထိပ်တန်းကျန်းမာရေးဝန်ဆောင်မှုများနှင့် ကျန်းမာရေးဆိုင်ရာ ထုတ်ကုန်များ၊ ထိုင်းအရည်အသွေးပြည့်မီတဲ့ ထိုင်းထုတ်ကုန်ပစ္စည်းများနှင့် ထိုင်းအစားအစာများ၊ အချိုယမကာများကို ဈေးနှုန်းချိုသာစွာ ဝယ်ယူရရှိနိုင်ပါတယ်။ ထိုင်းဈေးရောင်းပွဲတော် ကုန်စည်ပြပွဲတွင် သာယာနာပျော်ဖွယ်ကောင်းသော ထိုင်းရိုးရာအကအလှများ တူရိယာ တီးခတ်မှုများ၊ ထိုင်းသစ်သီးပုံဖော်ပွဲ၊ ထိုင်းရိုးရာဟင်းချက်ပြပွဲ၊ မြန်မာနိုင်ငံရှိ ထိပ်တန်းအနုပညာရှင်အဆိုတော်များ၊ ထင်ရှားကျော်ကြားတဲ့ အနုပညာများ၏ ကပြဖျော်ဖြေမှုများနှင့်အတူ သီဆိုဖျော်ဖြေမှုများဖြင့်လည်း ပါဝင်တင်ဆက်သွား မှာ ဖြစ်ပါတယ်။ ပြပွဲအား နံနက် ၉ နာရီမှ ညနေ၅ နာရီအထိ ဝင်ကြေးအခမဲ့ဖြင့် ပြသရောင်းချမည့်အပြင် လာရောက်အားပေးသူ များအတွက် Lucky Draws အစီအစဉ်များ ထည့်သွင်းထားရှိကြောင်း သိရပါတယ်။ (NVS-004)