ပြီးခဲ့တဲ့ နွေရာသီအပြောင်းအရွှေ့ကာလမှာ ဒေါ့မွန်အသင်းကနေ ရိုးမားအသင်းကို အလွတ်ပြောင်းရွှေ့ကြေးနဲ့ ရောက်ရှိလာခဲ့တဲ့ ဟမ်းမဲလ် ဟာ ယခုအပြောင်းအရွှေ့ရာသီမှာ ရိုးမားအသင်းကနေ ထွက်ခွာနိုင်တယ်လို့ သိရပါတယ်။ ဟမ်းမဲလ် ဟာ ရိုးမားအသင်းကို ရောက်ရှိခဲ့ပြီးနောက်ပိုင်း ပွဲထွက်ခွင့်အတွက် ရုန်းကန်နေရပြီး ပြိုင်ပွဲစုံမှာ ပွဲထွက်ခွင့်တစ်ကြိမ်သာ ရရှိခဲ့တာဖြစ်ပါတယ်။ ရိုးမားအသင်းရဲ့ တာဝန်ရှိသူများကလည်း ဟမ်းမဲလ် အနေနဲ့ ကွင်းအတွင်း စွမ်းဆောင်ရည်တိုးတက်မှသာ ပုံမှန်ပွဲထွက်ခွင့်ရရှိမှာဖြစ်တယ်လို့ ပြောကြားခဲ့ပါတယ်။ ဒါကြောင့် ဟမ်းမဲလ် ဟာ အသင်းကနေ ပြောင်းရွှေ့ရန်စဉ်စားနေတာ ဖြစ်တယ်လို့သိရပါတယ်။ လက်ရှိအချိန်မှာ ရိုးမားအသင်းရဲ့ အမှတ်ပေးဇယားရပ်တည်မှုမှာ ၁၂ ပွဲကစား၊ ၃ ပွဲနိုင်၊ ၄ ပွဲသရေ၊ ၅ ပွဲရှုံး ရလဒ်နဲ့ ရမှတ် ၁၃ မှတ်သာရရှိခဲ့ပြီး အဆင့် ၁၂ မှာရောက်ရှိနေပါတယ်။(NVS 008)