အာဂျင်တီးနားအသင်းကို အနိုင်ရရှိခဲ့တဲ့ ပါရာဂွေးအသင်း
17 Nov
တောင်အမေရိကဇုန် ကမ္ဘာ့ဖလားခြေပွဲအဖြစ် ယှဉ်ပြိုင်ကစားခဲ့တဲ့ ပါရာဂွေးအသင်းနဲ့ အာဂျင်တီးနား အသင်းတို့ပွဲစဉ်မှာ ပါရာဂွေးအသင်းက အာဂျင်တီးနားအသင်းကို နှစ်ဂိုး၊ တစ်ဂိုးနဲ့ အနိုင်ရရှိခဲ့တာ ဖြစ်ပါတယ်။ ပါရာဂွေးအသင်းက အာဂျင်တီးနားအသင်းကို ၂၀၁၆ ခုနှစ်နောက်ပိုင်း ပထမဆုံးအကြိမ် နိုင်ပွဲရရှိခဲ့တာ ဖြစ်ပါတယ်။ အာဂျင်တီးနားအသင်းက ပါရာဂွေးအသင်းကို ၂၀၁၆ ခုနှစ် ကမ္ဘာ့ဖလားခြေစစ်ပွဲမှာ တစ်ဂိုး၊ ဂိုးမရှိနဲ့ ရှုံးနိမ့် ခဲ့ပြီးတဲ့နောက်ပိုင်း ယခုတစ်ကြိမ်ထပ်မံရှုံးနိမ့်ခဲ့တာ ဖြစ်ပါတယ်။ အဆိုပါပွဲစဉ်မှာ အာဂျင်တီးနားအသင်းကို တိုက်စစ်မှူး မက်ဆီ ဦးဆောင်လာခဲ့ပြီး ပွဲစဉ်အစပိုင်းမှာ ဖိအားပေးကစားထားနိုင်ခဲ့သလို ပွဲချိန် ၁၁ မိနစ်မှာ မာတီနက်ဇ် က ဦးဆောင်ဂိုး သွင်းယူနိုင်ခဲ့ပါတယ်။ ဒါပေမယ့် ပွဲချိန် ၁၉ မိနစ်မှာ ပါရာဂွေးအသင်းက ချေပဂိုးတစ်ဂိုးပြန်လည်ရှိခဲ့ပြီး ဒုတိယပိုင်းပွဲချိန် ၄၆ မိနစ်မှာ အနိုင်ဂိုးရရှိခဲ့တာ ဖြစ်ပါတယ်။(NVS 008)
