နစ္စတယ်လ်ရွိုင်း ကို နည်းပြသစ်အဖြစ်ခန့်အပ်ရန် ဘန်လေအသင်းဆွေးနွေး
16 Nov
အင်္ဂလိပ်ချန်ပီယံရှစ်ကလပ် ဘန်လေအသင်းက လက်ရှိအသင်းနည်းပြ စကော့ပါကား ကို ရာထူးမှ ထုတ်ပယ်ပြီး နစ္စတယ်ရွိုင်း အား နည်းပြသစ်အဖြစ်ခန့်အပ်ရန် ဆွေးနွေးလျက်ရှိကြောင်း သတင်းများက ဖော်ပြခဲ့ ပါတယ်။ ဘန်လေအသင်းက နည်းပြ စကော့ပါကား လက်ထက်မှာ ရလဒ်ကောင်းများ မရရှိခြင်းကြောင့် နစ္စတယ်ရွိုင်း အား နည်းပြသစ်အဖြစ်ခန့်အပ်ရန် စီစဉ်လာခြင်းဖြစ်ပါတယ်။ နည်းပြ နစ္စတယ်ရွိုင်း ဟာ မန်ယူအသင်းနည်းပြသစ် အမိုရင် ကို မခန့်အပ်မီကာလမှာ ယာယီနည်းပြအဖြစ် တာဝန်ယူခဲ့တဲ့ ပွဲစဉ် ၄ ပွဲမှာ ၃ ပွဲနိုင်၊ ၁ ပွဲသရေ ရလဒ်ကောင်းကို ရယူနိုင်ခဲ့လို့ ဘန်လေအသင်းက နည်းပြသစ်အဖြစ်ခန့်အပ်ရန် စီစဉ်လာခြင်းဖြစ်ပါတယ်။ နည်းပြ နစ္စတယ်ရွိုင်း အနေနဲ့ မန်ယူအသင်းသို့ နည်းပြ အမိုရင် ရောက်ရှိလာချိန်တွင် အသင်းမှထွက်ခွာခဲ့ပြီး လက်ရှိတွင် အသင်းလက်မဲ့ဖြစ်နေပြီး ဘန်လေအသင်းက နည်းပြသစ်အဖြစ် ခန့်အပ်သွားနိုင်မလားဆိုတာ စောင့်ကြည့်ရမှာ ဖြစ်ပါတယ်။(NVS 008)
