နေပြည်တော်ကောင်စီနယ်မြေ၊ တပ်ကုန်းမြို့တွင် ရိုးရာပွဲတော်ဖော်ထုတ်မြှင့်တင်အားပေးသည့်အနေဖြင့် တပ်ကုန်းမြို့တန်ဆောင်တိုင်ပွဲတော်နှင့် MSME ဈေးရောင်းပွဲတော်ကို နိုဝင်ဘာလ ၁၁ ရက်မှ ၁၇ ရက်အထိ စည်ကားသိုက်မြိုက်စွာ ကျင်းပလျက်ရှိရာ နွားလှည်းယဉ်ကြော့ပြိုင်ပွဲကို စည်ကားစွာဖြင့် ထည့်သွင်းကျင်းပခဲ့တယ်လို့ သိရပါတယ်။ အဆိုပါ နွားလှည်းယဉ်ကြော့ပြိုင်ပွဲကို တပ်ကုန်းမြို့နယ်အားကစားကွင်းအတွင်း နိုဝင်ဘာလ ၁၅ ရက် နံနက်ပိုင်းတွင် ယှဉ်ပြိုင်ခဲ့ရာ ပြိုင်ပွဲတာဝန်ရှိသူများ၊ ပြိုင်ပွဲဝင်အသင်းသားများ၊ ဒေသခံပြည်သူများနှင့် ရပ်ဝေးရပ်နီးမှ ပရိသတ်များ ငါးထောင်ကျော်ခန့် ပါဝင်ဆင်နွှဲခဲ့ပြီး နွားလှည်းယဉ်ကြော့အစီးပေါင်း ၃၀ ပါဝင်ယှဉ်ပြိုင်ခဲ့ပါတယ်။ နွားလှည်းယဉ်ကြော့ပြိုင်ပွဲ ဆုချီးမြှင့်ပွဲအခမ်းအနားကို နိုဝင်ဘာလ ၁၆ ရက်တွင် ကျင်းပသွားမည်ဖြစ်ကြောင်း သိရပါတယ်။(NVS 008)