နည်းပြ အမိုရင် မန်ယူအသင်းသို့ ရောက်ရှိ
15 Nov
မန်ယူအသင်းနည်းပြသစ် အမိုရင် ဟာ အသင်းရဲ့လေ့ကျင့်ရေးကွင်း ကာရင်တန်ကို ရောက်ရှိလာပြီး မန်ယူအသင်းနဲ့ စတင်ပူးပေါင်းခဲ့ကြောင်း သိရပါတယ်။ မန်ယူအသင်းက နည်းပြသစ် အမိုရင် ကို တစ်နှစ်သက်တမ်းတိုးခွင့်နဲ့ ၂၀၂၇ ခုနှစ်အထိ စာချုပ်ချုပ်ဆိုခဲ့တာ ဖြစ်ပါတယ်။ မန်ယူအသင်းအနေနဲ့ လက်ရှိရာသီပရီးမီးယားလိဂ်မှာ ပွဲစဉ် ၁၁ ပွဲကစားပြီးနောက် ရမှတ် ၁၅ မှတ်နဲ့ အဆင့် ၁၃ နေရာမှာ ရပ်တည်နေပြီး နည်းပြသစ် အမိုရင် အနေနဲ့ ကြုံတွေ့နေရတဲ့ ရလဒ်ဆိုးတွေကို ချေဖျက်နိုင်လိမ့်မယ်လို့ ယုံကြည်နေတာ ဖြစ်ပါတယ်။ အသက် ၃၉ နှစ်အရွယ်ရှိ နည်းပြ အမိုရင် က ကြုံတွေ့နေရတဲ့ ရလဒ်ဆိုးတွေကနေ ရုန်းထွက်နိုင်အောင် ကြိုးစားသွားမှာဖြစ်ကြောင်းနဲ့ အသင်းရဲ့တာဝန်ရှိသူအားလုံးကို ကျေးဇူးတင်ကြောင်း ပြောဆိုခဲ့ပါတယ်။ နည်းပြ အမိုရင် အနေနဲ့ လာမယ့် နိုဝင်ဘာလ ၂၄ ရက်မှာ အစ်ဆွစ်ချ်အသင်းနဲ့ ပွဲစဉ်ကို စတင်ကိုင်တွယ်ရမှာဖြစ်ပါတယ်။(NVS 008)
