မန်ယူအသင်း ကွင်းလယ်ကစားသမား ဘရူနိုဖာနန်ဒက်ဇ် အနေနဲ့ မန်ယူအသင်းကစားသမားဘဝ ပြိုင်ပွဲစုံ ပွဲ ၂၅၀ ပြည့်မြောက်ခဲ့တဲ့ မှတ်တမ်းတစ်ရပ်ကို ပိုင်ဆိုင်ခဲ့ကြောင်း သိရပါတယ်။ ဖာနန်ဒက်ဇ် ဟာ ပရီးမီးယားလိဂ်ပွဲစဉ်အဖြစ် မန်ယူအသင်းက လက်စတာစီးတီးအသင်းကို သုံးဂိုး၊ ဂိုးမရှိနဲ့ အနိုင်ရရှိခဲ့တဲ့ ပွဲစဉ်မှာ ပါဝင်ကစားခဲ့ပြီးနောက် အခုလိုမှတ်တမ်းတစ်ရပ်ကို ပိုင်ဆိုင်ခဲ့တာဖြစ်ပါတယ်။ ကွင်းလယ်ကစားသမား ဖာနန်ဒက်ဇ် အနေနဲ့ မန်ယူအသင်းသို့ ပြောင်းရွှေ့ခဲ့တဲ့ ၂၀၁၉-၂၀၂၀ မှ ယခုနှစ် ဘောလုံးရာသီအထိ ပြိုင်ပွဲစုံပွဲ ၂၅၀ ကစားပြီး ၈၃ ဂိုးအထိ သွင်းယူထားနိုင်ခဲ့ပါတယ်။ ဖာနန်ဒက်ဇ် က အခုလို မှတ်တမ်းတစ်ရပ်ကို ပိုင်ဆိုင်ခဲ့တာနဲ့ပတ်သက်ပြီး အတိုင်းမသိပျော်ရွှင်မိကြောင်းနဲ့ နောက်ထပ်လည်း ကောင်းမွန်တဲ့မှတ်တမ်းတွေနဲ့ အောင်မြင်မှုတွေရရှိဖို့ ကြိုးစားသွားမယ်လို့ ပြောကြားခဲ့ပါတယ်။ (NVS 008)