“ထိုင်းနိုင်ငံ၌ ကျင်းပမည့် မြင်းစီးပြိုင်ပွဲအတွက် ကစားသမားရွေးချယ်ပွဲကျင်းပမည်”

13 Nov

၂၀၂၄ ခုနှစ်၊ ဒီဇင်ဘာလ ၇ ရက်နှင့် ၈ ရက်တို့တွင် ထိုင်းနိုင်ငံ၌ ကျင်းပမည့် Princess Cup Show Jumping (Junior)မြင်းစီးပြိုင်ပွဲအတွက် ကစားသမားရွေးချယ်ပွဲကို ရန်ကုန်တိုင်းဒေသကြီး မြောက်ဒဂုံမြို့နယ်ရှိ မြန်မာနိုင်ငံ မြင်းစီးအားကစားအဖွဲ့ချုပ် မြင်းစီးအားကစားကွင်းမှာကျင်းပသွားမှာဖြစ်ပါတယ်။ 3 Show Jumping Junior (တန်းခုန်ပြိုင်ပွဲ) ကစားသမားရွေးချယ်ပွဲကို နိုဝင်ဘာလ ၁၇ ရက်တွင် ကျင်းပမှာ ဖြစ်ပြီး ပြိုင်ပွဲကျင်းပရေးကော်မတီမှ ချမှတ်ပေးသောမြင်း (Borrow Horse) စနစ်ဖြင့် ယှဉ်ပြိုင်ရမည်ဖြစ်ကာ ပြိုင်ပွဲနည်းပညာဆိုင်ရာ ဆွေးနွေးပွဲကို နိုဝင်ဘာလ ၁၆ ရက်တွင် ကျင်းပမှာဖြစ်ပါတယ်။ ပြိုင်ပွဲသို့ ဝင်ရောက်ယှဉ်ပြိုင် လိုသူများအနေနဲ့ မြန်မာနိုင်ငံ မြင်းစီးအားကစားအဖွဲ့ချုပ် အသင်းဝင်ဖြစ်သူ၊ မြင်းစီးအားကစားအတွေ့အကြုံ အနည်းဆုံး တစ်နှစ်ရှိရမည်ဖြစ်ကာ အသက် ၁၃ နှစ်မှ ၁၈ နှစ်အတွင်း နိုင်ငံကူးလက်မှတ်လက်ဝယ်ရှိသူ ဖြစ်ရမှာ ဖြစ်ပါတယ်။ အဆိုပါရွေးချယ်ပွဲနှင့်ပတ်သက်၍ အသေးစိတ်သိရှိလိုပါက ဦးဌေးကျော် (အထွေထွေအတွင်းရေးမှူး) ဖုန်း ၀၉-၇၉၅၄၀၈၀၅၂ နှင့် ဒေါက်တာ စိုးထွန်း(ရုံးအဖွဲ့မှူး) ဖုန်း-ဝ၉-၅၁၅၈၀၁၇ တို့သို့ ဆက်သွယ်မေးမြန်းနိုင်ပါတယ်။ (NVS 004)

13 Nov

ADVERTISE HERE .