နစ္စတယ်ရွိုင်း က ယုံကြည်မှုပြန်လည်ရရှိအောင် လုပ်ဆောင်ပေးခဲ့တယ်လို့ဆိုတဲ့ ဘရူနိုဖာနန်ဒက်စ်”
12 Nov
မန်ယူအသင်းခေါင်းဆောင် ဘရူနိုဖာနန်ဒက်စ် က ယာယီနည်းပြ နစ္စတယ်ရွိုင်း ဟာ မိမိတို့ကို ယုံကြည်မှု ပြန်လည်ရရှိအောင် လုပ်ဆောင်ပေးခဲ့တယ်လို့ ပြောကြားခဲ့တာ ဖြစ်ပါတယ်။မန်ယူအသင်းက ယခင်နည်းပြ တန်ဟက်ဂ် လက်ထက်မှာ ရလဒ်တွေဆိုးဝါးမှုများနဲ့ ရင်ဆိုင်ခဲ့ရပြီး ယာယီနည်းပြ နစ္စတယ်ရွိုင်း ကိုင်တွယ်ချိန်မှာတော့ နိုင်ပွဲ ၃ ပွဲ၊သရေ ၁ ပွဲ ရလဒ်တွေ ရရှိယူထားနိုင်ခဲ့ပါတယ်။ ဒါကြောင့် ဘရူနိုဖာနန်ဒက်စ် က ယာယီနည်းပြ နစ္စတယ်ရွိုင်းဟာ မိမိအသင်းသားတွေကို ယုံကြည်မှု ပြန်လည်ရရှိအောင် စွမ်းဆောင်ပေးနိုင်ခဲ့တယ်လို့ ချီးကျူးပြောကြားခဲ့ပါတယ်။ နစ္စတယ်ရွိုင်း ဟာ လက်စတာနှင့်ပွဲစဉ်မှာ ယာယီနည်းပြအဖြစ် နောက်ဆုံးဆောင်ရွက်ခြင်းဖြစ်ပြီး အဆိုပါပွဲစဉ်မှာ မန်ယူအသင်းက လတ်စတာအသင်းကို ၃ ဂိုးပြတ်နဲ့အနိုင်ရရှိခဲ့ပါတယ်။ ပွဲပြီးဆုံးချိန်မှာတော့ နစ္စတယ်ရွိုင်း က ပရိသတ်များကို လက်ပြနှုတ်ဆက်သွားခဲ့ပါတယ်။ (NVS 008)
