“မာရ်အောင်မြင် ပြည်တော်ပြန်မြတ်စွာဘုရား၏ (၅၃)ကြိမ်မြောက် မသိုးသင်္ကန်းတော် ရက်လုပ်ကပ်လှူပွဲနှင့် တန်ဆောင်တိုင်မီးထွန်းပွဲ ကျင်းပမည်”
11 Nov
ဧရာဝတီတိုင်းဒေသကြီး၊ ဇလွန်မြို့နယ်ရှိ မာရ်အောင်မြင် ပြည်တော်ပြန်မြတ်စွာဘုရား၏ (၅၃)ကြိမ်မြောက် မသိုးသင်္ကန်းတော်မြတ် ရက်လုပ်ကပ်လှူပွဲနှင့် တန်ဆောင်တိုင်မီးထွန်းပွဲကို နိုဝင်ဘာလ ၁၄ ရက်မှ ၁၇ ရက်အထိ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရပါတယ်။ မာရ်အောင်မြင် ပြည်တော်ပြန်မြတ်စွာဘုရား၏ မသိုးသင်္ကန်းရက်လုပ်ပူဇော်ပွဲကို နိုဝင်ဘာလ ၁၄ ရက်မှာ စတင် ရက်လုပ်ပူဇော်သွားမှာဖြစ်ပြီး ကိန္နရီစင်တော်၊ သမ္ဘူလစင်တော်၊ မယ်မဒ္ဒီစင်တော်နဲ့ အမရာစင်တော်များက ရက်လုပ်ကြ မှာဖြစ်ပါတယ်။ တန်ဆောင်မုန်းလပြည့်နေ့ နံနက် ၄ နာရီမှာတော့ မာရ်အောင်မြင်ပြည်တော်ပြန် မြတ်စွာဘုရားနဲ့ ဂန္ဓကုဋိတိုက်အတွင်းရှိ ဗုဒ္ဓရုပ်ပွားဆင်းတုတော် သုံးဆူတို့ကို မသိုးသင်္ကန်းပူဇော်မှာ ဖြစ်ပါတယ်။ ဒါ့အပြင် တန်ဆောင်တိုင်မီးထွန်းပွဲအဖြစ် မာရ်အောင်မြင်ပြည်တော်ပြန် မြတ်စွာဘုရားကြီး၏ ကိန်းဝပ်စံပယ်ရာ ဂန္ဓကုဋိတိုက်တော်ကြီးနှင့် ဝန်းကျင်နေရာများတွင် လျှပ်စစ်ရောင်စုံမီးများ၊ ဆီမီးများဖြင့် ဆီမီးပူဇော်ပွဲလည်း ကျင်းပသွား မှာဖြစ်ကြောင်း သိရပါတယ်။ (NVS-004)
