မာဆေးအသင်းဟာ နည်းပြ ဒီဇာဘီ လက်ထက်မှာ ပုံစံကောင်းတွေ ပြန်လည်ရရှိခဲ့ပြီးနောက် အိမ်ကွင်းပွဲစဉ်မှာ အော့ဇေးအသင်းကို သုံးဂိုး၊ တစ်ဂိုးဖြင့် ရှုံးနိမ့်ခဲ့လို့ နည်းပြ ဒီဇာဘီ ရဲ့ ရာထူးတည်မြဲရေးအတွက် မရေရာမှုတွေ ရှိလာခဲ့ကြောင်း သိရပါတယ်။ မာဆေးအသင်းအနေနဲ့ နောက်ဆုံးကစားခဲ့တဲ့ အိမ်ကွင်းနှစ်ပွဲဆက်မှာ ပီအက်စ်ဂျီအသင်းကို သုံးဂိုးပြတ် ရှုံးနိမ့်ခဲ့တဲ့အပြင် အော့ဇေးအသင်းနဲ့ကစားခဲ့တဲ့ အိမ်ကွင်းပွဲစဉ်မှာလည်း ထပ်မံရှုံးနိမ့်ခဲ့လို့ နည်းပြ ဒီဇာဘီ ရဲ့ နည်းစနစ်ပိုင်းကို မေးခွန်းထုတ်မှုတွေ ရှိလာခဲ့တာဖြစ်ပါတယ်။ နည်းပြ ဒီဇာဘီ ဟာ ယခုနှစ်ဘောလုံးရာသီမှာ အမှတ်ပေးပြိုင်ပွဲ ၁၁ ပွဲကို တာဝန်ယူခဲ့ရာ ခြောက်ပွဲနိုင်၊ နှစ်ပွဲသရေ၊ သုံးပွဲရှုံးရလဒ်ဖြင့် အဆင့်(၁)တွင် ဦးဆောင်နေတဲ့ ပီအက်စ်ဂျီအသင်းနဲ့ ရမှတ်ခြောက်မှတ်သာ ကွာဟနေတာဖြစ်ပါတယ်။ အမှတ်ပေးချန်ပီယံဆုကို စိန်ခေါ်နိုင်ရန် အခွင့်အရေးများ ပိုင်ဆိုင်ထားသော်လည်း အော့ဇေးအသင်းကို အိမ်ကွင်းပွဲစဉ်တွင် မထင်မှတ်ဘဲရှုံးပွဲကြုံခဲ့ရကာ အဆင့်(၂)နေရာတွင် ရပ်တည်နေတာ ဖြစ်ပါတယ်။(NVS 008)