အာဆင်နယ်အသင်းက တိုက်စစ်ပိုင်းလိုအပ်ချက်အတွက် ဂျူဗင်တပ်အသင်းတိုက်စစ်မှူး ဗလာဟိုဗစ် ကို လာမည့် ဇန်နဝါရီအပြောင်းအရွှေ့ကာလမှာ ခေါ်ယူရန် စောင့်ကြည့်နေကြောင်းသိရပါတယ်။ အသက် ၂၂ နှစ်အရွယ် တိုက်စစ်မှူး ဗလာဟိုဗစ် ဟာ လက်ရှိရာသီမှာ ခြေစွမ်းပြသနေသော်လည်း နည်းပြ မော့တာ ရဲ့ နည်းစနစ်နဲ့ အံမဝင်ကြောင်း သုံးသပ်ခံနေရတာဖြစ်ပါတယ်။ အာဆင်နယ်အသင်းက ဗလာဟိုဗစ် ကို ကာလရှည်ခေါ်ယူရန် စိတ်ဝင်စားနေပြီး ယခုအခါ ကစားသမားရဲ့အခြေအနေကို စောင့်ကြည့်လျက်ရှိပါတယ်။ ဗလာဟိုဗစ် နဲ့ ဂျူဗင်တပ်အသင်းတို့ရဲ့ စာချုပ်သက်တမ်းမှာ ၁၈ လကျန်ရှိနေသော်လည်း အာဆင်နယ် အသင်းက ယူရို သန်း ၆၀ ဖြင့်ခေါ်ယူရန် စိတ်ဝင်စားနေပါတယ်။ လက်ရှိရာသီမှာ အသင်းရဲ့တိုက်စစ်ပိုင်း လိုအပ်ချက်ကို အင်အားဖြည့်ရန်အတွက် ဗလာဟိုဗစ် ကို ပစ်မှတ်ထားနေခြင်း ဖြစ်ပါတယ်။(NVS 008)