ဆော်ဒီကလပ် အယ်နာဆာအသင်းက စပို့တင်းလစ္စဘွန်းအသင်း တိုက်စစ်မှူး ဂျိုကာရက်စ် ကို ဥရောပထိပ်သီးကလပ်အသင်းများနှင့်အပြိုင် ကမ်းလှမ်းရန် စီစဉ်နေကြောင်း သိရပါတယ်။ အသက် ၂၆ နှစ်အရွယ်ရှိ ဂျိုကာရက်စ် ဟာ စပို့တင်းလစ္စဘွန်းအသင်းမှာ ခြေစွမ်းပြနေခဲ့လို့ ၎င်းကိုခေါ်ယူရန် စိတ်ဝင်စားသည့် ကလပ်အသင်းများစွာရှိနေပြီး ပရီးမီးယားလိဂ် ထိပ်သီးကလပ်အသင်းများဖြစ်တဲ့ အာဆင်နယ်၊ ချဲလ်ဆီး၊ လီဗာပူးလ်၊ မန်စီးတီး၊ မန်ယူအသင်းတို့နှင့်အတူ ပီအက်စ်ဂျီ၊ ဂျူဗင်တပ်နဲ့ အေစီမီလန်အသင်းတို့ကလည်း ခေါ်ယူရန် စောင့်ကြည့်နေကြတာဖြစ်ပါတယ်။ ယခုအခါ အယ်နာဆာအသင်းကလည်း ဂျိုကာရက်စ် ကို ဥရောပအင်အားကြီးအသင်းများနဲ့ အပြိုင်ကမ်းလှမ်းရန် စီစဉ်လာခြင်းဖြစ်ပါတယ်။ ဂျိုကာရက်စ် အနေနဲ့ စပို့တင်းလစ္စတွန်းအသင်းနဲ့ ယူရိုသန်း ၁ဝဝ တန် လျော်ကြေးစာချုပ် ချုပ်ဆိုထား ပေမယ့် ဥရောပထိပ်သီးကလပ်အသင်းများက အဆိုပါငွေကြေးပမာဏကို ပေးချေရန် အသင့်ရှိနေကြပါတယ်။ ဂျိုကာရက်စ် ဟာ လိဂ်ချန်ပီယံရှစ်ကလပ် ကိုဗင်ထရီအသင်းမှ စပို့တင်းလစ္စဘွန်းအသင်းသို့ ရောက်ရှိခဲ့သူဖြစ်ပြီး လက်ရှိအချိန်၌ အဆုံးသတ်အကောင်းဆုံး တိုက်စစ်မှူးတစ်ဦးအဖြစ် ရပ်တည်နေသူဖြစ်ပါတယ်။(NVS 008)