စီရော်နယ်ဒို ကို ပြိုင်ဘက် အယ်လ်ဟီလာအသင်းက ခေါ်ယူရန် ဆန္ဒရှိနေ
09 Nov
အယ်လ်ဟီလာအသင်းက ဒဏ်ရာပြဿနာများနဲ့ ရင်ဆိုင်နေရတဲ့ တိုက်စစ်ကစားသမား နေမာ ကို စာချုပ် ဖျက်သိမ်းရန် စီစဉ်နေပြီး ၎င်းရဲ့နေရာမှာ ပြိုင်ဘက် အယ်လ်နာဆာအသင်းမှ နာမည်ကျော်တိုက်စစ်မှူး စီရော်နယ်လ်ဒို နဲ့ ပြန်လည်အစားထိုးရန် ဆန္ဒရှိနေကြောင်း သိရပါတယ်။ စီရော်နယ်လ်ဒို ဟာ လာမည့်ရာသီကုန်မှာ အယ်လ်နာဆာအသင်းနဲ့ စာချုပ်သက်တမ်းကုန်ဆုံးမှာဖြစ်လို့ အယ်လ်ဟီလာအသင်းက ခေါ်ယူရန် ပစ်မှတ်ထားလာခြင်းဖြစ်ပါတယ်။ အသက် ၃၉ နှစ်ကျော်ပြီဖြစ်တဲ့ စီရော်နယ်လ်ဒို အနေနဲ့ အယ်လ်နာဆာအသင်းမှာ ခြေစွမ်းပြနေပြီး ၂ ရာသီ ကျော်ကာလအတွင်း ပြိုင်ပွဲစုံ ၈၄ ပွဲတွင် ၇၄ ဂိုးအထိ သွင်းယူထားနိုင်ပါတယ်။ စီရော်နယ်လ်ဒို ရဲ့ ပရော်ဖက်ရှင်နယ် ကစားသမားဘဝတစ်လျှောက် ကလပ်အသင်းများနှင့် နိုင်ငံအသင်းအတွက် ၉၀၈ ဂိုးအထိ သွင်းယူထားပြီး ဘောလုံးသမိုင်းတွင် ဂိုးသွင်းအများဆုံးအဖြစ် ရပ်တည်နေပါတယ်။ စီရော်နယ်လ်ဒို အနေနဲ့ အသက် ၃၉ နှစ်ကျော်ပြီဖြစ်သော်လည်း ပရိုကစားသမားဘဝ သွင်းဂိုး(၁,၀၀၀)ပြည့် မြောက်ရန် ရည်မှန်းထားတာဖြစ်လို့ ကစားသမားဘဝမှ အနားယူဖွယ်မရှိသေးကြောင်း သိရပါတယ်။(NVS 008)
