ဆော်ဒီကလပ် အယ်လ်နာဆာအသင်းက စပို့တင်းလစ္စဘွန်းအသင်းမှ ဆွီဒင်တိုက်စစ်မှူး ဂျိုကာရက်စ်ကို ဥရောပထိပ်သီးကလပ်အသင်းများနှင့် အပြိုင်ကမ်းလှမ်းရန် စီစဉ်နေကြောင်း သိရပါတယ်။ အသက် ၂၆ နှစ်အရွယ် ဂျိုကာရက်စ် က စပို့တင်းလစ္စဘွန်းအသင်းမှာ ခြေစွမ်းပြနေတာကြောင့် ဥရောပ ထိပ်သီးအသင်းများဖြစ်တဲ့ အာဆင်နယ်၊ ချယ်လ်ဆီး၊ လီဗာပူးလ်၊ မန်စီးတီး၊ မန်ယူ တို့နှင့်အတူ PSG၊ ဂျူဗင်တပ်စ်နှင့် အေစီမီလန် တို့က ခေါ်ယူဖို့ စောင့်ကြည့်နေကြတယ်လို့ သိရပါတယ်။ ယခုအခါ အယ်လ်နာဆာအသင်းက ဂျိုကာရက်စ် ကို ယင်းအသင်းများနှင့်အပြိုင် ကမ်းလှမ်းရန် စီစဉ်လာခြင်း ဖြစ်ပါတယ်။ ဂျိုကာရက်စ် က စပို့တင်းလစ္စဘွန်းအသင်းနှင့် ယူရိုသန်း ၁၀၀ တန် လျော်ကြေးစာချုပ် ချုပ်ဆိုထား ပေမယ့် ဥရောပထိပ်သီးကလပ်အသင်းများက အဆိုပါငွေကြေးပမာဏကို ပေးချေရန်အသင့်ရှိနေကြတယ်လို့ သိရပါ တယ်။ ဂျိုကာရက်စ် ဟာ စပို့တင်းလစ္စဘွန်းအသင်းအတွက် ပြိုင်ပွဲစုံ ၆၅ ပွဲမှာ ၅၉ ဂိုး သွင်းယူပေးထားသူ ဖြစ်ပါတယ်။ (NVS 008)