ကနေဒါနိုင်ငံရှိ ဟိန္ဒူဘုရားရှိခိုးကျောင်းတစ်ခုကို ဆစ်(ခ်)ခွဲထွက်ရေး တက်ကြွလှုပ်ရှားသူများက လူအုပ်ဖြင့် တိုက်ခိုက်မှုလုပ်ဆောင်ရာ အဆိုပါတိုက်ခိုက်မှုကို အိန္ဒိယအစိုးရက အပြစ်တင်ဝေဖန်ထားကြောင်း သိရသည်။ တုတ်များကိုင်ဆောင်ထားသော လူအုပ်ကြီးသည် ဘရမ်တန်ဘုရားရှိခိုးကျောင်းသို့လာသည့် အိန္ဒိယ ကောင်စစ်ဝန်ရုံးမှ ဘုရားဖူးများကို တိုက်ခိုက်ခြင်းဖြစ်ပြီး အမျိုးသမီးများနှင့် ကလေးငယ်များက အများဆုံး တိုက်ခိုက်ခံရခြင်းဖြစ်ကြောင်း Times of India သတင်းဌာနက နိုဝင်ဘာလ ၄ ရက်တွင် ထုတ်ပြန်ထားသည်။ ကနေဒါနိုင်ငံ၌ ဆစ်(ခ်)ခေါင်းဆောင်တစ်ဦး လုပ်ကြံခံရမှုနှင့်ပတ်သက်၍ ကနေဒါအစိုးရက အိန္ဒိယ အစိုးရကို စွပ်စွဲထားခြင်းအတွက် နှစ်နိုင်ငံကြား တင်းမာမှုများမြင့်တက်လာနေစဉ် ယခုကဲ့သို့ပဋိပက္ခများ ဖြစ်ပွားခြင်းဖြစ်သည်။ ဆစ်(ခ်)ခွဲထွက်ရေးအဖွဲ့သည် ပန်ဂျပ်ပြည်နယ်ကို ၎င်းတို့၏ မြို့ပြနိုင်ငံအဖြစ် သတ်မှတ် ပေးရန် တောင်းဆိုနေခြင်းဖြစ်သည်။