“မင်းဘူးမြို့၊ ရှင်ပင်ချမ်းသာကြီးဘုရားမှာ တန်ဆောင်မုန်းလပြည့်နေ့အဖြစ် ဆီမီး ၁ဝ,ဝဝဝ ထွန်းညှိပူဇော်မည်”
04 Nov
မကွေးတိုင်းဒေသကြီး၊ မင်းဘူးမြို့၊ အမှတ်(၃)ရပ်ကွက်ရှိ မဟာသုခိတရာမ ရှင်ပင်ချမ်းသာကြီးဘုရားမှာ တန်ဆောင်မုန်းလပြည့် သာမညဖလအခါတော်နေ့ ဆီမီး ၁၀,၀၀၀ ထွန်းညှိ ပူဇော်သွားမည်ဖြစ်ကြောင်း သိရပါတယ်။ ယမန်နှစ်က ရှင်ပင်ချမ်းသာကြီးဘုရားနှင့် ဂန္ဓကုဋိတိုက်၊ အရံစေတီပေါင်း ၁၅ ဆူ၊ တန်ဆောင်းနှင့် အုတ်တံတိုင်းများတွင် တန်ဆောင်တိုင်ဆီမီးထွန်းညှိပူဇော်ပွဲကို ရပ်နီးရပ်ဝေးမှ ဘုရားဖူးပြည်သူများက လာရောက် ဖူးမြော်ကြည်ညိုခဲ့ကြပါတယ်။ ယခုနှစ်မှာလည်း ဆီမီးထွန်းညှိပူဇော်ခြင်း၊ ပဋ္ဌာန်းဒေသနာတော်ရွတ်ဖတ်ပူဇော်ခြင်း၊ စတုဒိသာကျွေးမွေး လှူဒါန်းခြင်းအပြင် လျှပ်စစ်ရောင်စုံမီးပွင့်များ၊ မီးပန်းများနဲ့ အလှဆင်ကာ ဘုရားဖူးလာပြည်သူများ ကြည်ညိုသဒ္ဓါပွားများ နိုင်စေရန်နှင့် စည်ကားသိုက်မြိုက်စွာ ကျင်းပသွားရန် စီစဉ်ထားတယ်လို့ သိရပါတယ်။ (NVS 003)
04 Nov
