လီဗာပူးလ်အသင်းနည်းပြ အာနီဆလော့ က အနာဂတ်မတည်မငြိမ်ဖြစ်နေတဲ့ ဗန်ဒိုက်ခ်၊ ဆာလာ နဲ့ အာနိုး တို့ရဲ့ စာချုပ်သစ်နဲ့ပတ်သက်ပြီး စိုးရိမ်မှုမရှိကြောင်း ထုတ်ဖော်ပြောဆိုခဲ့ပါတယ်။ အဆိုပါ ကစားသမားသုံးဦးရဲ့ လက်ရှိစာချုပ်သက်တမ်းမှာ နောက်ဆုံးနှစ်အတွင်းသို့ ရောက်ရှိနေပြီ ဖြစ်သော်လည်း လက်ရှိအချိန်အထိ သက်တမ်းတိုးရေးအတွက် သဘောတူညီမှုမရသေးလို့ လာမည့်ဇန်နဝါရီလမှာ အခြားကလပ်များနဲ့ လွတ်လပ်စွာဆွေးနွေးခွင့်ရှိတာကို အသင်းနည်းပြက စိုးရိမ်မှုမရှိကြောင်း ဖွင့်ဟပြောဆိုခဲ့တာ ဖြစ်ပါတယ်။ နောက်ခံကစားသမား ဗန်ဒိုက်ခ် အနေနဲ့ မကြာသေးမီက စာချုပ်သစ်အတွက် ဆွေးနွေးမှုများပြုလုပ်ခဲ့ပြီး တိုက်စစ်ကစားသမား ဆာလာ ကတော့ ယခုရာသီက ၎င်းရဲ့ အန်ဖီးလ်ကစားသမားဘဝ နောက်ဆုံးဖြစ်နိုင်ကြောင်း ထုတ်ဖော်ပြောဆိုထားမှုတွေ ရှိနေခဲ့ပါတယ်။ (NVS 008)