မန္တလေးတိုင်းဒေသကြီး၊ ပြင်ဦးလွင်မြို့၊ မဟာအံ့ထူးကံသာဘုရားကြီး၌ ၂၀၂၄ ခုနှစ်၊ တန်ဆောင်တိုင် အထိမ်းအမှတ်အဖြစ် (၂၄)ကြိမ်မြောက် မသိုးသင်္ဃန်းရက်လုပ်ပူဇော်ပွဲနှင့် ဆီမီး(၉၀၀၀)ထွန်းညှိပူဇော်ပွဲ ကျင်းပပြုလုပ်မည်ဖြစ်ကြောင်း သိရပါတယ်။ အဆိုပါ တန်တောင်တိုင်ပွဲတော်တွင် မြို့ချစ်မီး မီးပုံးပျံကြီးနှင့်အတူ ALL FINE လူငယ် စိန်နားပန် မီးပုံးပျံ၊ ရွှေဇီးကွက်အရုပ် မီးပုံးပျံတို့ကို ဘုရားကြီး၏ မျက်နှာတော်မူရာမြောက်ဘက်မုခ်ရှိ ယာဉ်ရပ်နားကွင်းတွင် တန်ဆောင်မုန်းလပြည့်နေ့ ညနေ ၆ နာရီတွင် လွှတ်တင်ပူဇော်သွားမည် ဖြစ်ပါတယ်။ ဒါ့အပြင် ဧည့်ခံဖျော်ဖြေရေးအစီအစဉ်အဖြစ် မီးပုံးပျံလွှတ်တင်ပူဇော်ပွဲတွင် ယိမ်းအကအလှများ၊ ရှမ်းအိုးစည် အဖွဲ့များနှင့် တိုးနယားအကများဖြင့် ဧည့်ခံဖျော်ဖြေသွားမည်ဖြစ်ကြောင်း သိရပါတယ်။(NVS 008)