မန်ယူအသင်းက အသင်းရဲ့နည်းပြသစ်အဖြစ် စပို့တင်းလစ္စဘွန်းအသင်းရဲ့ နည်းပြ အမိုရင် အား ၂၀၂၇ ခုနှစ်အထိ နည်းပြအဖြစ်ခန့်အပ်ခဲ့ပြီး နောက်ထပ်တစ်နှစ်သက်တမ်းတိုးခွင့်ရှိတဲ့ သဘောတူညီမှုနဲ့ စာချုပ်ချုပ်ဆို နိုင်ခဲ့ကြောင်း အတည်ပြုထုတ်ပြန်ခဲ့ပါတယ်။ နည်းပြသစ် အမိုရင် ဟာ စပို့တင်းလစ္စဘွန်းအသင်းကို ရလဒ်ကောင်းများရရှိအောင် စွမ်းဆောင်နိုင်ခဲ့ပြီး လူငယ်နည်းပြတစ်ဦးလည်းဖြစ်တာကြောင့် မန်ယူအသင်းက နည်းပြသစ်အဖြစ် ခန့်အပ်ခဲ့ခြင်းဖြစ်ကြောင်း သိရပါတယ်။ နည်းပြ အမိုရင် အနေနဲ့ မန်ယူအသင်းကို နိုဝင်ဘာလ ၁၁ ရက်မှသာ ပူးပေါင်းနိုင်မှာဖြစ်ကြောင်းနဲ့ အသင်းကို အောင်မြင်မှုတွေရရှိအောင် စွမ်းဆောင်ပေးနိုင်လိမ့်မယ်လို့ ယုံကြည်ကြောင်း မန်ယူအသင်းက ထုတ်ပြန်ထားပါတယ်။(NVS 008)