“လိဂ်ဖလား စတုတ္ထအဆင့်ရလဒ်များထွက်ပေါ်”
31 Oct
အောက်တိုဘာလ ၃၀ ရက် ညပိုင်းက ကစားခဲ့တဲ့ လိဂ်ဖလားစတုတ္ထအဆင့်ပွဲစဉ်မှာ အသင်းကြီးများ ထိပ်တိုက်တွေ့ဆုံခဲ့ကြပါတယ်။ အစောပိုင်းပွဲစဉ်တစ်ပွဲဖြစ်တဲ့ လီဗာပူးလ်အသင်းက အိမ်ရှင် ဘရိုက်တန်အသင်းကို ၃ ဂိုး ၂ ဂိုးနဲ့ အနိုင်ရရှိခဲ့ပါတယ်။ မန်ယူအသင်းက လက်စတာအသင်းကို ၅ ဂိုး ၂ ဂိုး၊ နယူးကာဆယ်အသင်းက ချဲလ်ဆီးအသင်းကို ၂ ဂိုးပြတ်နဲ့ အနိုင်ရရှိခဲ့ပါတယ်။ ဒါ့အပြင် အာဆင်နယ်အသင်းက အိမ်ရှင် ပရက်စတန်အသင်းကို ၃ ဂိုးပြတ်အနိုင်ရရှိခဲ့သလို အိမ်ရှင် စပါးအသင်းက မန်စီးတီးအသင်းကို ၂ ဂိုး ၁ ဂိုးဆိုတဲ့ အနိုင်ရရှိခဲ့ပါတယ်။ လာမယ့် ဒီဇင်ဘာလ ၁၈ ရက်မှာ လိဂ်ဖလားကွာတားဖိုင်နယ်ပွဲစဉ်များ အဖြစ် မန်ယူအသင်းနှင့်စပါးအသင်း၊ အာဆင်နယ်အသင်းနှင့် ခရစ္စတယ်ပဲလေ့အသင်း၊ နယူးကာဆယ်အသင်းနှင့် ဘရန်ဖို့ဒ်အသင်း၊ လီဗာပူးလ်အသင်းနှင့် ဆောက်သမ်တန်အသင်းတို့ ယှဉ်ပြိုင်ကစားသွားကြမှာ ဖြစ်တယ်လို့ သိရပါတယ်။ (NVS 008)
