“ဘာလော့တယ်လီ ကို ကာလတိုစာချုပ်ဖြင့် ဂျီနိုအာအသင်းခေါ်ယူ”
30 Oct
စီးရီးအေကလပ် ဂျီနိုအာအသင်းက အသင်းလက်မဲ့ဖြစ်နေသော တိုက်စစ်မှူး ဘာလော့တယ်လီ ကို ကာလတို စာချုပ်ဖြင့် ခေါ်ယူခဲ့ကြောင်း အတည်ပြုထုတ်ပြန်ခဲ့ပါတယ်။ ဘာလော့တယ်လီ အနေနဲ့ လီဗာပူးလ်၊ အေစီမီလန်၊ မန်ချက်စတာစီးတီး၊ အင်တာမီလန်၊ မာဆေးလ်၊ မွန်ဇာ၊ ဒီမီယာစပေါ် စတဲ့ ကလပ်အသင်းတွေမှာ ကစားခဲ့ရာ အောင်မြင်မှုများရရှိအောင် စွမ်းဆောင်ထားနိုင်ခဲ့ကာ အတွေ့အကြုံရှိတဲ့ ကစားသမားတစ်ဦးဖြစ်လို့ ဂျီနိုအာအသင်းက ခေါ်ယူခဲ့ခြင်းဖြစ်ပါတယ်။ အသက် ၃၄ နှစ်အရွယ် ဘာလော့တယ်လီ က ဂျီနိုအာအသင်းသို့ ရောက်ရှိလာခဲ့ပြီး အသင်းရလဒ်ကောင်းတွေ ရရှိအောင် အစွမ်းကုန်ကြိုးစားသွားမှာဖြစ်ကြောင်းနဲ့ နွေးထွေးစွာကြိုဆိုတဲ့ အသင်းတာဝန်ရှိသူများကို ကျေးဇူးတင်ကြောင်း ပြောကြားခဲ့ပါတယ်။ (NVS 008)
30 Oct
