အာဆင်နယ်အသင်းက လာမည့်တနင်္ဂနွေနေ့တွင် ယှဉ်ပြိုင်ရမည့် လီဗာပူးလ်နှင့်ပရီးမီးယားလိဂ်ပွဲစဉ်၌ တိုက်စစ်ကစားသမား ဆာကာ ပြန်လည်ပါဝင်နိုင်ရေးအတွက် လိုအပ်သည်များကို အရှိန်မြှင့်လုပ်ဆောင်နေကြောင်း သတင်းများထွက်ပေါ် နေခဲ့ပါတယ်။ ဆာကာ ဟာ အင်္ဂလန်အတွက်ပါဝင်ကစားစဉ် တံကောက်ကြောဒဏ်ရာ ရရှိခဲ့တာကြောင့် အာဆင်နယ် အသင်းရဲ့ နောက်ဆုံးနှစ်ပွဲကို လွဲချော်ခဲ့ရပါတယ်။ အာဆင်နယ်အသင်းနည်းပြ အာတီတာ က ချန်ပီယံလိဂ်ပွဲစဉ်အဖြစ် ရှက်တာဒိုးနက်စ်အသင်းကို အနိုင်ရရှိခဲ့တဲ့ပွဲအပြီးမှာ ဆာကာ အနေနဲ့ လီဗာပူးလ်အသင်းနဲ့ ပွဲအတွက် ပွဲထွက်ကစား နိုင်ဖို့ မဖြစ်နိုင်ဘူးလို့ ပြောကြားခဲ့ပါတယ်။ အသင်းရဲ့ ဆေးဘက်ဆိုင်ရာဝန်ထမ်းများက ဒဏ်ရာအခြေအနေမှာ ပြင်းထန်မှုမရှိဟု ယူဆထားပြီး လာမည့်တနင်္ဂနွေနေ့တွင် ပြန်လည်ကစားနိုင်ရေး အရာအားလုံးကို လုပ်ဆောင်နေကာ ကစားသမားကိုယ်တိုင်ကလည်း အဆိုပါပွဲစဉ်မှာ ပါဝင်ကစားရေးအတွက် စိတ်အားထက်သန်နေတာ ဖြစ်ပါတယ်။ လက်ရှိမှာ အာဆင်နယ်အသင်းက အမှတ်ပေးဇယားရဲ့ ထိပ်ဆုံးမှာရပ်တည်နေသော လီဗာပူးလ်အသင်းနဲ့ လေးမှတ်အကွာ တတိယနေရာမှာရပ်တည်နေပြီး အမှတ်ပေးဇယားကို ဦးဆောင်နိုင်ဖို့အတွက် လာမယ့်ပွဲစဉ်မှာ အနိုင်ရရှိရေး ကြိုးပမ်းနေတာဖြစ်ပါတယ်။ (NVS 008)