ရိုးရာလက်ဝှေ့ကျော် စောအဲမွီ နဲ့ ဂမ်ဘီယာ/ဆွတ်ဇလန်ဖိုက်တာတို့ဟာ One Friday Fights 84 အဖြစ် ယနေ့အောက်တိုဘာလ ၂၅ ရက် ည ၇ နာရီမှာ ယှဉ်ပြိုင်ထိုးသတ်ကြမှာဖြစ်တယ်လို့ သိရပါတယ်။ အဆိုပါပွဲအတွက် ဆေးစစ်ဝိတ်ချိန်မှုများကို အောက်တိုဘာလ ၂၄ ရက်နံနက်ပိုင်းအချိန်မှာ ပြုလုပ်ခဲ့တာ ဖြစ်ပါတယ်။ One Friday Fights 84 ပွဲစဉ်မှာ ရိုးရာဖိုက်တာ အဲမွီအပါအဝင် မြန်မာကိုယ်စားပြု မွေထိုင်းဖိုက်တာ ဆွန်ရက်ကလည်း ဂျပန်နိုင်ငံသားဖိုက်တာဖြင့် အသီးသီးယှဉ်ပြိုင်ကစားသွားကြမည်ဖြစ်ပါတယ်။ ရိုးရာဖိုက်တာ စောအဲမွီ အနေနဲ့ ONE မှာ ဒုတိယအကြိမ် ယှဉ်ပြိုင်ထိုးသတ်ခြင်းဖြစ်ပြီး ထိုင်းနိုင်ငံမှာ လေ့ကျင့်ပြင်ဆင်မှုများ ပြုလုပ်နေတာ ဖြစ်ပါတယ်။ အဆိုပါ One Friday Fights 84 ပွဲစဉ်မှာ တွဲဆိုင်းပေါင်း ၁၂ ဆိုင်းပါဝင်ပြီး မြန်မာကိုယ်စားပြု တွဲဆိုင်း ၂ ဆိုင်း ပါဝင်နေတာ ဖြစ်ပါတယ်။ (NVS 008)