(၆၉) နှစ်မြောက် ကရင်ပြည်နယ်နေ့ အခမ်းအနားနှင့် ကရင်ပြည်နယ်ပွဲတော်ကို လာမည့်နိုဝင်ဘာလအတွင်း စည်ကားသိုက်မြိုက်စွာ ကျင်းပရန်စီစဉ်ထားကြောင်း ပွဲတော်ကျင်းပရေးကော်မတီ၏ (၂/၂၀၂၄) ကြိမ်မြောက် လုပ်ငန်း ညှိနှိုင်းအစည်းအဝေးမှ သိရပါတယ်။ ၂၀၂၄ ခုနှစ်၊ နိုဝင်ဘာလ ၅ ရက်မှ ၁၀ ရက်အထိ (၆၉)နှစ်မြောက် ကရင်ပြည်နယ်နေ့အခမ်းအနားနှင့် ကရင်ပြည်နယ်ပွဲတော်ကို ပြုလုပ်သွားမည်ဖြစ်ပြီး ကရင်ရိုးရာဒုံးအကပြိုင်ပွဲ၊ မြန်မာ့ရိုးရာလက်ဝှေ့ပြိုင်ပွဲ၊ ရိုးရာ လှေလှော်နှင့် နဂါးလှေ‌လှော်ပြိုင်ပွဲ၊ ဈေးရောင်းပွဲတော်၊ ဒေသအစားအစာနှင့်မုန့်ဈေးရောင်းပွဲ၊ သစ်သီးဝလံပန်းမန်ပြပွဲ ပြိုင်ပွဲ၊ ဇာတ်သဘင်အကအလှများ၊ ဌာနဆိုင်ရာများနှင့် MSMEs ပြခန်းများ၊ အထိမ်းအမှတ် အားကစားပြိုင်ပွဲများ၊ ပျော်ပွဲရွှင်ပွဲများဖြင့် စည်ကားသိုက်မြိုက်စွာ ထည့်သွင်းကျင်းပသွားမည်ဖြစ်ကြောင်း သိရပါတယ်။ (NVS 008)