မန်စီးတီးအသင်းရဲ့နည်းပြ ဂွါဒီယိုလာက ဝုဗ်အသင်းကို အနိုင်ရခဲ့တဲ့ပွဲစဉ်မှာ ကွင်းလယ်ဒိုင်လူကြီးရဲ့ ဆုံးဖြတ်ချက်အပေါ် ထောက်ခံကြောင်း ပွဲအပြီးအင်တာဗျူးမှာ ပြောကြားသွားခဲ့ပါတယ်။ မန်စီးတီးအသင်းဟာ ဝုဗ်အသင်း နဲ့ ပွဲစဉ်မှာ ဦးဆောင်ဂိုးပေးခဲ့ရပေမယ့်လည်း နောက်ခံလူ ဂျွန်စတုန်းရဲ့ နောက်ကျအနိုင်ဂိုးကြောင့် ပွဲအပြီးမှာ ၂ ဂိုး၊ ၁ ဂိုးနဲ့ အနိုင်ရရှိခဲ့တာ ဖြစ်ပါတယ်။ ဂျွန်စတုန်းသွင်းယူခဲ့တဲ့ဂိုးမှာ ဘာနာဒိုဆေးဗား က လူကျွံနေခဲ့တာကြောင့် စည်းကြပ်ဒိုင်က လူကျွံဘောအဖြစ် သတ်မှတ်ခဲ့ပေမယ့် ကွင်းလယ်ဒိုင်လူကြီးက VAR ပြန်ကြည့်ပြီး မန်စီးတီးအသင်းကို ဦးဆောင်ဂိုး ခွင့်ပြုခဲ့တာ ဖြစ်ပါတယ်။ ဂျွန်စတုန်း ဂိုးသွင်းပြီးနောက် စည်းကြပ်ဒိုင်က အလံထောင်လိုက်ချိန်မှာ ဆုံးဖြတ်ချက်မှားယွင်းနေတာကို စောဒက တက်ခဲ့မိပေမယ့် ကွင်းလယ်ဒိုင်လူကြီးရဲ့ ဆုံးဖြတ်ချက်က မှန်ကန်တယ်လို့ နည်းပြ ဂွါဒီယိုလာ က ပြောကြားသွားခဲ့ ပါတယ်။ မန်စီးတီးအသင်းဟာ ဝုဗ်အသင်းနဲ့ပွဲစဉ်မှာ အနိုင်ရခဲ့တာကြောင့် ပရီးမီးယားလိဂ် ၈ ပွဲကစားပြီးချိန်မှာ ၆ ပွဲနိုင်၊ ၂ ပွဲသရေ၊ ရမှတ် ၂၀ မှတ်အတူ အမှတ်ပေးဇယားရဲ့ အဆင့်(၂)နေရာမှာ ဆက်လက်ရပ်တည်နိုင်ခဲ့တာ ဖြစ်ပါတယ်။ (NVS 008)