ရီးရဲလ်မက်ဒရစ်အသင်းက ဝါရင့်ကွင်းလယ်ကစားသမား လူကာမိုဒရစ် ရဲ့နေရာမှာ အစားထိုးရန်အတွက် လေဗာကူဆင်အသင်း ကွင်းလယ်တိုက်စစ်ကစားသမား ဖလော်ရီယန်ဗက်ဇ် ကို အလိုရှိနေကြောင်း သိရပါတယ်။ အသက် ၃၉ နှစ်ရှိပြီဖြစ်တဲ့ မိုဒရစ် အနေနဲ့ ယခုရာသီကုန်မှာ ရီးရဲလ်အသင်းနဲ့ စာချုပ်သက်တမ်း ကုန်ဆုံးမှာဖြစ်ပြီး ရီးရဲလ်အသင်းကလည်း သူ့ရဲ့နေရာမှာ အစားထိုးနိုင်ရန်အတွက် ကစားသမားသစ် တစ်ဦးကို အပူတပြင်းရှာဖွေလျက်ရှိနေပါတယ်။ အသက် ၂၁ နှစ်အရွယ်သာရှိသေးတဲ့ ဖလော်ရီယန်ဗက်ဇ် ဟာ ဥရောပမှာ ထွန်းတောက်လာနိုင်တဲ့ ကစားသမားဖြစ်ပြီး အသက်အရွယ်မှာလည်း ရီးယဲလ်အသင်းရဲ့ပေါ်လစီနဲ့ ကိုက်ညီမှုရှိနေတာဖြစ်ပါတယ်။ ဒါကြောင့် ရီးရဲလ်အသင်းက မိုဒရစ် ရဲ့နေရာမှာ အစားထိုးရန်အတွက် ဖလော်ရီယန်ဗက်ဇ် ကိုခေါ်ယူရန် လာမယ့်ဇန်နဝါရီလမှာ ကြိုးပမ်းဖွယ်ရှိနေပါတယ်။ ဖလော်ရီယန်ဗက်ဇ် ကိုခေါ်ယူရန် စိတ်ပါဝင်စားတဲ့အသင်းတွေထဲမှာ ဥရောပရဲ့ နာမည်ကြီးအသင်းတွေဖြစ်တဲ့ ဘိုင်ယန်မြူးနစ်နဲ့ မန်စီးတီးတို့လည်း ပါဝင်နေတာဖြစ်ပါတယ်။