ရော်နယ်ဒို ကို ချီးကျူးစကားပြောခဲ့တဲ့ နည်းပြ မာတီနက်ဇ်
16 Oct
ပိုလန်အသင်းကို ၃ဂိုး၊ ၁ ဂိုးနဲ့အနိုင်ရခဲ့တဲ့ နေးရှင်းလိဂ်ပွဲစဉ်မှာ ခြေစွမ်းပြနိုင်ခဲ့ပြီး အသင်းအတွက် သွင်းဂိုး ၁ ဂိုး သွင်းယူပေးနိုင်ခဲ့တဲ့ တိုက်စစ်မှူး ရော်နယ်ဒို ကို ပေါ်တူဂီနည်းပြ မာတီနက်ဇ် က ချီးကျူးသွားခဲ့ပါတယ်။ ရော်နယ်ဒို ဟာ အသက် ၃၉ နှစ်အရွယ်ရှိပြီဖြစ်ပေမယ့် အခုအချိန်ထိ အသင်းအတွက်အရေးပါတဲ့ ကစားသမားတစ်ယောက် ဖြစ်နေသလို သွင်းဂိုးတွေကို သွင်းယူပေးနေခဲ့တာကြောင့်လည်း နည်းပြ မာတီနက်ဇ် က ချီးကျူးခဲ့တာဖြစ်ပါတယ်။ အသက် ၃၉ နှစ်အရွယ် ရော်နယ်ဒို ရဲ့ခြေစွမ်းတွေက အခုအချိန်အထိ လူငယ်ကစားသမားတစ်ယောက်လို ကောင်းမွန်နေတုန်းပဲလို့ နည်းပြ မာတီနက်ဇ် က ပြောခဲ့ပါတယ်။ ပွဲချိန်အတွင်းမှာ အသင်းအတွက် ခြေစွမ်းပြ နေခဲ့တာကြောင့် အသက် ၃၉ နှစ်အရွယ်လို့တောင် မထင်ရဘူးလို့လည်း ဆက်လက်ပြောကြားခဲ့ပါတယ်။ ရော်နယ်ဒို ဟာ အခုဘောလုံးရာသီမှာ အယ်နာဆာအသင်းအတွက် ခြေစွမ်းပြနေသလို ပေါ်တူဂီလက်ရွေးစင်အသင်း အတွက်လည်း သွင်းဂိုးတွေ သွင်းယူပေးနေခဲ့ပါတယ်။(NVS 008)
