မန်ယူအသင်း ညာနောက်ခံလူ နူဆာမာဇရာဝီ က နှလုံးပုံမှန်မဟုတ်တဲ့ အခြေအနေကြောင့် ရက်သတ္တပတ် အတန်ကြာ အနားယူရဖွယ်ရှိတယ်လို့ သိရပါတယ်။ အသက် ၂၆ နှစ်အရွယ် မာဇရာဝီ ဟာ အောက်တိုဘာလ ၆ ရက်က ဗီလာအသင်းနှင့်ပွဲစဉ် ပထမပိုင်းအပြီးမှာ လူစားလဲခဲ့ရသလို မော်ရိုကိုအသင်းရဲ့ အာဖရိကနိုင်ငံများဖလား ခြေစစ်ပွဲကစားမယ့် လူစာရင်းကနေ နုတ်ထွက် ခဲ့ရပါတယ်။ မန်ယူအသင်းနှင့်နီးစပ်တဲ့ သတင်းရင်းမြစ်များရဲ့ ပြောကြားမှုအရ မာဇရာဝီ ရဲ့ အခြေအနေမှာ ပြင်းထန်မှု မရှိဘဲ ပုံမှန်ဖြစ်စေရန် အသေးစားပြင်ဆင်မှုကုထုံးပြုလုပ်ခြင်း ဖြစ်ကြောင်း သိရပါတယ်။ (NVS 008)