“ဝူဟန်အိုးပင်း တတိယအဆင့် တက်ရောက်နိုင်ခဲ့တဲ့ ဆာဘာလန်ကာ”
11 Oct
တရုတ်နိုင်ငံ ဝူဟန်မြို့မှာ ကျင်းပနေတဲ့ ဝူဟန်အိုးပင်းတင်းနစ် အမျိုးသမီးတစ်ဦးချင်းပွဲမှာ နာမည်ကြီး တင်းနစ်မယ်တွေဖြစ်ကြတဲ့ ဆာဘာလန်ကာ က တတိယအဆင့်ကို တက်ရောက်နိုင်ခဲ့ပါတယ်။ အောက်တိုဘာလ ၉ ရက်က ယှဉ်ပြိုင်ခဲ့ကြတဲ့ ဒုတိယအဆင့်ပွဲမှာ ကမ္ဘာ့အဆင့်(၁) ရထားတဲ့ ဆာဘာလန်ကာ က ချက်တင်းနစ်မယ် ဆီနီယာကိုဗာ နဲ့ ယှဉ်ပြိုင်ခဲ့ရတာ ဖြစ်ပါတယ်။ ဆာဘာလန်ကာ ဟာ ပြီးခဲ့တဲ့တစ်ပတ်က တရုတ်အိုးပင်း ကွာတားဖိုင်နယ်မှာ ချက်တင်းနစ်မယ်ဖြစ်တဲ့ မူချိုဗာ ကို ရှုံးနိမ့်ပြီးပြိုင်ပွဲကနေ ထွက်ခဲ့ရပါတယ်။ အခုပွဲစဉ်မှာ ပွဲကစားချိန် ၁ နာရီခွဲသာ ကြာမြင့်ခဲ့ပြီးနောက်မှာ ဆာဘာလန်ကာ က ၆း၄၊ ၆း၄ ဆိုတဲ့ရလဒ်နဲ့အနိုင်ရပြီး တတိယအဆင့်ကို တက်ရောက်သွားခဲ့တာ ဖြစ်ပါတယ်။ တတိယအဆင့်မှာ ဆာဘာလန်ကာ ဟာ ကာဇက်စတန် တင်းနစ်မယ် ပူတင်ဆီဗာနဲ့ ဆက်လက်ယှဉ်ပြိုင်ရမှာ ဖြစ်ပါတယ်။ (NVS 008)
11 Oct
