“အကောင်းဆုံးစာရင်းမှာ ပါဝင်ခဲ့တဲ့ မက်ဆီနှင့်ဆွာရက်ဇ်”
09 Oct
မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆုအတွက် ဆန်ခါတင်စာရင်းမှာ အင်တာမိုင်ယာမီအသင်းရဲ့ တိုက်စစ်မှူးတွေဖြစ်ကြတဲ့ မက်ဆီ နဲ့ ဆွာရက်ဇ် တို့ပါဝင်ခဲ့ကြပြီး အကောင်းဆုံးဆုရဖို့အတွက် ထိပ်ဆုံးကနေ ရေပန်းစားနေ ကြပါတယ်။ မက်ဆီနဲ့ ဆွာရက်ဇ်တို့ နှစ်ယောက်စလုံးဟာ အခုဘောလုံးရာသီမှာ အင်တာမိုင်ယာမီ အသင်းအတွက် ခြေစွမ်းပြနိုင်ခဲ့တာကြောင့် တစ်ရာသီအကောင်းဆုံးဆု ဆန်ခါတင်စာရင်းမှာ ပါဝင်နိုင်ခဲ့ကြတာ ဖြစ်ပါတယ်။ မက်ဆီကတော့ အခုဘောလုံးရာသီ မေဂျာလိဂ်ပြိုင်ပွဲမှာ ဒဏ်ရာပြဿနာတွေကြောင့် အနားယူခဲ့ရပေမယ့် အင်တာမိုင်ယာမီအသင်းအတွက် ၂၁ ပွဲကစားခဲ့ပြီး ၁၉ ဂိုးသွင်းကာ ၁၂ ဂိုးဖန်တီးနိုင်ခဲ့ပါတယ်။ အခုရာသီမှ အင်တာမိုင်ယာမီအသင်းကို ပြောင်းရွှေ့လာခဲ့တဲ့ ဆွာရက်ဇ် က အသင်းအတွက် ၃၃ ပွဲကစားခဲ့ပြီး ၂၂ ဂိုး သွင်းယူကာ ၁၀ ဂိုးဖန်တီးနိုင်ခဲ့ပါတယ်။ မက်ဆီ ဟာ ပြီးခဲ့တဲ့ဘောလုံးရာသီက မေဂျာလိဂ်ပြိုင်ပွဲရဲ့ တစ်ရာသီအကောင်းဆုံးဆု ဆန်ခါတင်စာရင်းမှာ ပါဝင်ခဲ့ပေမယ့် ဆုမရရှိခဲ့ဘဲ အခုရာသီမှာလည်း ထပ်မံပါဝင်လာခဲ့တာ ဖြစ်ပါတယ်။ မေဂျာလိဂ်ပြိုင်ပွဲရဲ့ တစ်ရာသီ အကောင်းဆုံးဆုအတွက် မဲပေးမှုတွေကို လာမယ့်အောက်တိုဘာလ ၂၁ ရက်အထိ ဖွင့်လှစ်ထားတယ်လို့ သိရပါတယ်။ (NVS 008)
