အာဆီယံလူမှုယဉ်ကျေးမှုအသိုက်အဝန်းဆိုင်ရာ ဒုတိယအတွင်းရေးမှူးချုပ်အဖြစ် မြန်မာနိုင်ငံမှ အငြိမ်းစား သံအမတ်ကြီး ဦးစံလွင် ကို အလှည့်ကျ တာဝန်ထမ်းဆောင်ရန် အတည်ပြုခန့်အပ်လိုက်တယ်လို့ သိရပါတယ်။ (၃၅)ကြိမ်မြောက် အာဆီယံပေါင်းစပ်ညှိနှိုင်းရေးကောင်စီ အစည်းအဝေးမှာ မြန်မာနိုင်ငံမှ အငြိမ်းစား သံအမတ်ကြီး ဦးစံလွင် ကို အာဆီယံလူမှုယဉ်ကျေးမှုအသိုက်အဝန်းဆိုင်ရာ ဒုတိယအတွင်းရေးမှူးချုပ်အဖြစ် အလှည့်ကျ တာဝန်ထမ်းဆောင်ရန် အတည်ပြုခန့်အပ်ခဲ့ခြင်း ဖြစ်ပါတယ်။ လာအိုနိုင်ငံ၊ ဗီယင်ကျန်းမြို့မှာ အောက်တိုဘာလ ၈ ရက်က ပြုလုပ်ခဲ့တဲ့ အာဆီယံနိုင်ငံခြားရေးဝန်ကြီးများ အစည်းအဝေး၊ (၂၈)ကြိမ်မြောက် အာဆီယံနိုင်ငံရေးနှင့် လုံခြုံရေးအသိုက်အဝန်းကောင်စီအစည်းအဝေးနှင့် (၃၅) ကြိမ်မြောက် အာဆီယံပေါင်းစပ်ညှိနှိုင်းရေးကောင်စီ အစည်းအဝေးများမှာ အတည်ပြုခန့်အပ်ခဲ့ခြင်း ဖြစ်ပါတယ်။(NVS 004)