စပါးအသင်းရဲ့နည်းပြ အန်ဂျီ က ဘရိုက်တန်အသင်းနဲ့ ကစားခဲ့တဲ့ ပရီးမီးယားလိဂ်ပွဲစဉ်မှာ ရှုံးနိမ့်ခဲ့ရတဲ့ အတွက် စိတ်ပျက်မိတယ်လို့ ပွဲအပြီးအင်တာဗျူးမှာ ပြောကြားခဲ့ပါတယ်။ စပါးအသင်းဟာ ဘရိုက်တန်အသင်းနဲ့ပွဲစဉ်မှာ ဦးဆောင်ဂိုး ၂ ဂိုးအရင်သွင်းယူနိုင်ခဲ့ပေမယ့် ပွဲအပြီးမှာ ၃ ဂိုး၊ ၂ ဂိုးနဲ့ ရှုံးနိမ့်ခဲ့ရတာ ဖြစ်ပါတယ်။ ပထမပိုင်းမှာတင် ၂ ဂိုးပြတ်နဲ့အနိုင်ရခဲ့ပေမယ့် အခုလိုမျိုး ရှုံးနိမ့်ခဲ့ရတာက လက်ခံနိုင်စရာ မရှိဘဲ စိတ်ပျက်မိတယ်လို့ နည်းပြ အန်ဂျီ က ပြောကြားခဲ့ပါတယ်။ အနိုင်ရဖို့အခွင့်အရေးများရှိခဲ့ပေမယ့် ဒုတိယပိုင်းမှာ ကစားခဲ့တဲ့အသင်းရဲ့ကစားပုံက စိတ်ပျက်စရာ ကောင်းလွန်းတယ်လို့ နည်းပြ အန်ဂျီ က ဆက်လက် ပြောကြားခဲ့ ပါတယ်။ အခုပွဲစဉ်မှာ စပါးအသင်းဟာ ရှုံးနိမ့်ခဲ့တာကြောင့် ပရီးမီးယားလိဂ် ၇ ပွဲကစားပြီးချိန်မှာ ၃ ပွဲနိုင်၊ ၁ ပွဲသရေ၊ ၃ ပွဲရှုံး၊ ရမှတ် ၁၀ မှတ်နဲ့အတူ အမှတ်ပေးဇယားရဲ့ အဆင့်(၉)နေရာမှာသာ ရပ်တည်နေခဲ့ပါတယ်။ (NVS 008)