အောက်တိုဘာလ ၂ ရက်က ကစားခဲ့တဲ့ မေဂျာလိဂ်ပွဲစဉ်မှာ အင်တာမိုင်ယာမီအသင်းက ကိုလံဘတ်စ်ခရူ အသင်းကို အနိုင်ရရှိခဲ့ပြီးနောက် ၂၀၂၄ မေဂျာလိဂ် Supporters’ Shield ကို ရယူနိုင်ခဲ့ပါတယ်။ အခုပွဲစဉ်မှာ မက်ဆီ က အင်တာမိုင်ယာမီအသင်းအတွက် ခြေစွမ်းပြခဲ့ပြီး သွင်းဂိုး ၂ ဂိုး သွင်းယူပေးခဲ့သလို ဆွာရက်ဇ် က သွင်းဂိုး ၁ ဂိုးသွင်းယူပေးခဲ့တာပါ။ ပွဲအပြီးမှာတော့ အင်တာမိုင်ယာမီအသင်းက ကိုလံဘတ်စ်ခရူ အသင်းကို ၃ ဂိုး၊ ၂ ဂိုးနဲ့ အနိုင်ရခဲ့ပြီး အမှတ်ပေးဇယားထိပ်မှာ ဆက်လက်ရပ်တည်ခွင့်ရခဲ့ပါတယ်။ ဒါ့အပြင် ၂၀၂၄ မေဂျာလိဂ်ရာသီ ပွဲစဉ် ၃၂ ပွဲကစားပြီးချိန်မှာ ပွဲ ၂၀ နိုင်၊ ၄ ပွဲသရေ၊ ၈ ပွဲရှုံးနဲ့ ရမှတ် ၆၈ မှတ်ရထားခဲ့တဲ့ အင်တာ မိုင်ယာမီအသင်းဟာ မေဂျာလိဂ်ဘောလုံးရာသီတစ်ခုမှာ ရလဒ်အကောင်းဆုံးအသင်းတွေကို ပေးအပ်လေ့ရှိတဲ့ Supporters’ Shield ကိုပါ ရရှိသွားခဲ့တာြဖစ်ပါတယ်။ ပွဲအပြီးမှာတော့ အင်တာမိုင်ယာမီအသင်း တိုက်စစ်မှူး မက်ဆီ က အသင်းနဲ့အတူ အခုလိုမျိုး ချန်ပီယံဆုတွေရ ယူနိုင်ဖို့ မျှော်လင့်ထားခဲ့သလို နောက်ထပ်အောင်မြင်မှုတွေ ရယူသွားနိုင်ဖို့ကိုလည်း ကြိုးစားသွားမယ်လို့ ပြောကြား သွားပါတယ်။ ပွဲစဉ် ၃၄ ပွဲကစားရမယ့် မေဂျာလိဂ်ဘောလုံးရာသီမှာ အင်တာမိုင်ယာမီအသင်းဟာ ၃၂ ပွဲ ကစားအပြီး ဒုတိယနေရာက အယ်လ်အေဂလက်စီအသင်းကို ၇ မှတ်အထိ ဖြတ်ထားနိုင်တာဖြစ်ပါတယ်။ (NVS 008)